Даслаць навіну
Знайсці
28.08.2019 / 11:19

Свята незалежнасці ў горадзе братэрскай любові: у Філадэльфіі прайшла сустрэча беларусаў ЗША

Дзве сотні амерыканскіх беларусаў з’ехаліся з розных штатаў у Філадэльфію, каб адзначыць Дзень абвяшчэння незалежнасці і правесці разам час на свежым паветры. Мерапрыемства было арганізавана сем’ямі Акулавых і Кудзінавых пры падтрымцы фірмы «Rullex» і суполкі «Беларусы ЗША. Разам лягчэй» у прыгожым парку Таманенд.

Госці самага рознага ўзросту мелі цудоўную магчымасць узяць удзел у спаборніцтвах па валейболе і міні-футболе, пачаставацца адмыслова прыгатаванымі стравамі, патанчыць і нават праверыць свой узровень валодання беларускай мовай. Маленькія беларусы радасна гойсалі на батуце, пакуль іх бацькі вялі душэўныя размовы з землякамі падчас пікніка.

Павялічыць выяву

Павялічыць выяву

Павялічыць выяву

Кульмінацыяй мерапрыемства стаў пранікнёны выступ гурта «Kazinak», музыканты якога выканалі кавер-версіі папулярных песен і прэзентавалі аўдыторыі свае новыя спевы на беларускай і англійскай мовах.

Павялічыць выяву

Адметна, што Філадэльфія, якую яшчэ называюць «горадам братэрскай любові» (адпаведна паходжання назвы з грэчаскай мовы), з’яўляецца адным з найстарэйшых амерыканскіх гарадоў, дзе была прынятая дэкларацыя незалежнасці ЗША, а таксама жыў наш славуты зямляк Тадэвуш Касцюшка. 

Павялічыць выяву

Вядома, што распаўсюджанай праблемай беларускай дыяспары за мяжой з’яўляецца раз’яднанасць яе прадстаўнікоў. Аднак у апошнія гады, пераважна ў Нью-Ёрку і шэрагу суседніх штатаў, назіраецца актывізацыя ў сферы правядзення разнастайных беларускіх імпрэз, колькасць удзельніках якіх няўхільна расце. Застаецца спадзявацца, што гэты імпэт не згасне ў далейшым і прынясе свой плён.

Павялічыць выяву

Павялічыць выяву

Павялічыць выяву

Ірына Хадарэнка Фота: Іван Кудзінаў

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30