Мінчук скраў аўтамабіль маці сябра, якая хацела падвезці яго дадому
Міліцыя затрымала 26-гадовага мужчыну, які скраў аўтамабіль 58-гадовай маці сябра. Ён таксама спрабаваў з'ехаць ад ДАІ, паведамляе міліцыя.
Інцыдэнт адбыўся ў Мінску на вуліцы Яблыневай каля 4 гадзіны раніцы. Малады чалавек, які пабываў на бяседзе ў свайго прыяцеля, сабраўся ехаць дадому. Адвезці 26-гадовага мінчука пагадзілася маці таварыша, аднак мужчына не дачакаўся ўладальніцы аўто: выходзячы з дома, хлопец заўважыў прыпаркаваны жанчынай аўтамабіль, скарыстаўся пакінутымі ключамі, сеў за руль і з'ехаў у невядомым кірунку.
Уладальніца адразу ж звярнулася да праваахоўнікаў. Супрацоўнікі ДАІ знайшлі аўтамабіль і пачалі яго пераслед. Калі кіроўца заўважыў, што за ім едуць супрацоўнікі міліцыі, то паспрабаваў перашкодзіць затрыманню. Зламысніка затрымалі і даставілі на медыцынскі агляд, які паказаў 2 праміле алкаголю.
