Трамп пасварыўся з лідарамі G7 з-за Расіі
Прэзідэнт ЗША Дональд Трамп пасварыўся з іншымі лідарамі краін Вялікай сямёркі падчас саміту ў французскім Біярыцы.
Пра гэта паведамляе брытанскае выданне The Guardian.
Падчас вячэры на афіцыйным адкрыцці саміта Трамп настойваў, што для абмеркавання пытанняў Ірана, КНДР і Сірыі неабходна прысутнасць прэзідэнта РФ.
Па дадзеных выдання, Трампа падтрымаў толькі прэм'ер-міністр Італіі Джузэпэ Контэ. Супраць выступілі ўсе астатнія краіны, а Японія захавала нейтралітэт.
«На гэтым моманце абстаноўка пачала разгарацца, калі не сказаць больш. Большасць лідараў настойвалі на тым, каб G7 заставалася супольнасцю ліберальных дэмакратый, і таму яны сказалі Трампу, што нельга дазволіць вярнуцца прэзідэнту Пуціну, які не адпавядае гэтаму», - паведаміла крыніца выдання
