Даслаць навіну
Знайсці
25.08.2019 / 01:30 30

Макс Корж сабраў стадыён «Дынама», на канцэрт прыйшлі 35 тысяч чалавек ФОТАРЭПАРТАЖ

У суботу 35 тысяч чалавек сабраліся на галоўным сталічным стадыёне на канцэрт беларускага выканаўцы. Як гэта было — глядзіце ў фотарэпартажы.

Павялічыць выяву

Каб паглядзець, як «малы пасталеў», прыехала шмат фанатаў з Украіны, Расіі, Балгарыі, Эстоніі.

Сяргей, Аня, Ілля і Міша прыгналі кампаніяй з Санкт-Пецярбурга. Для некаторых з іх гэты канцэрт ужо пяты.

— Каржа шмат не бывае, — усміхаецца Ілля.

— У Мінску самыя класныя яго канцэрты, — падхоплівае Сяргей. — Бо ён на радзіме ў сябе выступае. І мне Мінск вельмі падабаецца.

Павялічыць выяву

Каб пераначаваць у сталіцы, хлопцы знялі кватэру. Расказваюць, што першы гаспадар, у якога яны збіраліся спыніцца, іх кінуў, таму тэрмінова давялося шукаць запасны варыянт.

— Сталі тэлефанаваць — усё занята. На канцэрт Каржа ж людзей напрыязджала. У выніку знялі аднушку на шасцярых, — дзеляцца хлопцы.

— І чаму ніхто не сказаў, што ў вас гарачую ваду адключаюць?! — смяецца Ілля.

Павялічыць выяву

15-гадовая Вераніка на канцэрт прыйшла з татам Віталем.

— Мы з Брэста прыехалі, — тлумачыць мужчына, чаму не адпусціў дачку адну.

Сам Віталь фанатам Каржа сябе не лічыць, але часам слухае.

— Ёсць добрыя песні. «Горы па калена» падабаецца.

— А мне больш яго ранняя творчасць падабаецца. «Жыць у кайф», напрыклад, — кажа Вераніка.

— Слэміцца не пойдзеце? — цікавімся ў таты.

— Не-е-е. І дачку не пушчу.

Павялічыць выяву

Большасць моладзі адзелася ў стылі 90-х: красоўкі, высокія шкарпэткі, алімпійкі і барсеткі цераз плячо.

— Мы алімпійкі ў бабуль узялі, — расказваюць мінскія адзінаццацікласніцы Лера і Аня.

Паслухаць рэпера яны прыйшлі ўпершыню. Квіткі набылі яшчэ ў снежні з грошай, падораных на дзень народзінаў.

Павялічыць выяву

Макс Корж — бадай, самы паспяховы беларускі артыст. У 2013-м ён стаў першым з нашых выканаўцаў, хто сабраў Мінск-Арэну на свой сольнік. На «Дынама» ён таксама першы (ну, калі не лічыць канцэрт Саладухі з практычна пустымі трыбунамі). Усе квіткі на рэпера раскупілі яшчэ ў ліпені.

Пры гэтым спявак — персона не публічная. Ён рэдка дае інтэрв'ю (нават Юрыю Дудзю адмовіў).

Павялічыць выяву

Гэты сольнік у Мінску — рэкордны для рэпера па колькасці гледачоў.

— Шмат разоў праходзіў тут, ніколі падобнага не бачыў. Вы не ўяўляеце, як цяжка засынаць з думкай, што ўвесь горад тусіць, а табе трэба выспацца. Але я выспаўся, і вы проста так ад мяне не сыдзеце, — абяцае Макс Корж напачатку канцэрта.

Павялічыць выяву

У перапынках паміж песнямі ён вядзе пацанскія размовы пра каханне, сяброў, выпускны і шашлыкі. Успамінае, як у аднушцы на «Ружачцы» цудоўным летнім днём пісаў сваю першую песню, і прызнаецца ў любові да Мінска.

Павялічыць выяву

— Я часта тут тусуюся, не ведаю, як вы мяне не заўважаеце, — кажа са сцэны Макс Корж. І дадае, што ўдзячны тым, хто з павагай ставіцца да яго пазіцыі наконт фота і не здымае яго ў горадзе.

Павялічыць выяву

— Мінск, мы ведаем, ты хацеў сёння паспаць, але не атрымаецца, гэта дакладна! — заводзіць натоўп рэпер. — Нічога, раз у пару гадоў можна.

На канцэрце былі і бацькі спевака.

Павялічыць выяву

Корж дзеліцца з фанатамі, што ў сваёй творчасці стараецца захаваць пазітыўны бок беларускага характару.

— Я ведаю, вы спакойныя і ўраўнаважаныя, калі сюды прыязджаю, думаю: як жа тут ціха. А ведаеце чаму? Мы не распыляем энергію, захоўваем да пэўнага моманту.

Павялічыць выяву

Падчас сольніка Макс Корж спеў не толькі свае папулярныя песні, але і тое-сёё з нявыдадзенага.

— А цяпер выканаем беларускую народную, — жартуе ён перад трэкам «Выганяем алкаголь».

Павялічыць выяву

Відаць, Макс Корж засумаваў па беларускай публіцы не менш, чым яна па ім. Канцэрт ішоў больш за тры гадзіны. Рэпер не хацеў расставацца з фанатамі — спяваў пад гітару і дзяліўся жыццёвымі прынцыпамі.

Павялічыць выяву

— Я не хачу жыць на Захадзе, бо там няма душы. Я не хачу жыць на Усходзе, бо там няма парадку. Я хачу жыць тут. Тут ідэальныя ўмовы для старту.

Павялічыць выяву

Наступны канцэрт у Мінску Макс Корж анансаваў не раней, чым праз два гады.

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Павялічыць выяву

Наталля Лубнеўская, фота Надзеі Бужан

2
Lisoid Kotov / адказаць
26.08.2019 / 09:53
Кали Юга
0
меркаванне / адказаць
26.08.2019 / 10:51
Mob100, дрэнна ты ведаеш пра "лучшіе годы оппозіціі", а то не накрэмзаў бы глупства. 
1
mikola ramanau / адказаць
26.08.2019 / 11:04
Nokia,/ *Komp* ni pracavau...Dapamog lepsy sjabar Spakouski.............
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30