Даслаць навіну
Знайсці
23.08.2019 / 19:14 14

Даследчыца беларускага фальклору вяртаецца з ЗША ў Беларусь, каб лячыцца ад цяжкай хваробы, і збірае грошы на лекі

Рэжысёрка фільма «Песні старой Еўропы» Воля Дземка просіць дапамагчы сабраць грошы для курса плазматэрапіі.

Павялічыць выяву

Беларуская фалькларыстка і спявачка Воля Дземка жыве ў ЗША, але і там працягвае папулярызаваць беларускі фолк. Некалькі гадоў таму па выніках сваёй экспедыцыі на Палессе яна выпусціла фільм «Песні старой Еўропы», у якім распавядае пра знікаючыя песенныя традыцыі беларусаў. Цяпер Вользе патрэбная дапамога.

«Прыйшлi вынiкi бiяпсii, якая падцвердзiла вельмi рэдкае i надзвычай агрэсiўнае аўтаiмуннае захворванне, у параўнаннi з якiм нават ваўчанка лечыцца крыху лягчэй. Я зараз прымаю нейкiя aтамныя дозы лекаÿ, i мы нiбыта здолелi запаволiць абвастрэнне, але покуль не можам спынiць яго цалкам. Наступным крокам (калi здолеем мяне стабiлiзаваць) плануем як мага хутчэй экспартаваць мяне ў Мінск на курс плазматэрапii, якая у штатах каштуе нейкiх проста астранамiчных грошай», — піша Воля ў сваім фэйсбуку.

Каб дапамагчы сабраць грошы, яна прапануе ахвотным замовіць у яе дыскі з фільмам «Песні старой Еўропы». Падрабязная інфармацыя пра замову — па спасылцы.

Павялічыць выяву

Кадр з фільма «Песні старой Еўропы». Гурт «Жураўка» в. Іванава слабада Лельчыцкага р-на

Гэта першы англамоўны дакументальны фільм, які апавядае пра беларускія спевы. Для яго Воля здымала палескіх традыцыйных выканаўцаў у 2011-м, а потым амаль пяць год дарабляла фільм: брала каментары экспертаў, рабіла анімацыю, займалася мантажом… У фільме згадваюцца значныя даты беларускай гісторыі, апавядаецца, як песні зберагліся скрозь стагоддзі, як адрозніваюцца ад рэгіёну да рэгіёну, пра што ў іх пяецца. Галоўныя героі «Песні старой Еўропы» — вяскоўцы з Тонежа, Іванавай Слабады і Стадолічаў Лельчыцкага раёна, Дзятлавічаў Лунінецкага, Старога сяла пад Жабінкай. Некаторых з іх ужо няма сярод жывых. Іх спевы суправаджаюць каментары экспертаў — этнамузыколагаў Тамары Варфаламеевай і Дарынкі Шапавалавай, даследчыц Любові Сівуравай і Ганны Сілівончык, Вікторыі Міхно з гурта «Гуда», Алега Хаменкі з «Палаца», Івана Кірчука з «Тройцы».

У апошняй частцы фільма, «Песні сёння», можна пабачыць фрагменты выступаў гуртоў-пераймальнікаў аўтэнтычнай манеры выканання і тых, хто перапрацоўвае фальклор, сумяшчае з іншымі стылямі музыкі. Фігуруе там і гурт беларускіх спеваў VOLYA, створаны Воляй Дземкай у Сіэтле.

Фільм вельмі яркі, захоплівае гледача і не адпускае да самага канца (а ідзе роўна гадзіну). Робячы «Песні старой Еўропы», Воля арыентавалася на драматургію навукова-папулярных стужак ВВС і спадзявалася, што яе твор паспрыяе вядомасці Беларусі ў свеце. Так і атрымалася: фільм удзельнічаў у шэрагу фестываляў і ўзяў шмат узнагарод.

Апроч таго створаная адмысловая старонка для данатаў, куды можна пералічваць грошы для Волі.

Павялічыць выяву

novychas.by

9
фелікс / адказаць
24.08.2019 / 11:37
Колькі гадаўя вылезла. Значыць, сапраўды, трэба дапамагчы.
3
Усяслаў / адказаць
24.08.2019 / 11:52
А ўвогуле адчуваю гонар за Беларусь. Усё ж наша медыцына годная
0
Максим Дизайнер / адказаць
26.08.2019 / 18:15
Выздоровления Олечке. Сумма не такая уж большая. Все должно быть хорошо
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30