Даслаць навіну
Знайсці
22.08.2019 / 16:08

Самы поўны гайд па фестывалі «Тбiлiсоба»: Mgzavrebi, грузінска-беларускае вяселле і 40 фудкортаў

24 жніўня ў Верхнім горадзе пройдзе пяты фестываль з грузінска-беларускім характарам «Тбілісоба». Выступаць будуць ансамбль Iriao, шматгалоссе «Швідкаца», а скончаць праграму Mgzavrebi — хэдлайнеры свята.

З незвычайных актыўнасцяў — на фестывалі плануюць правесці сапраўднае грузінска-беларускае вяселле. Пачнецца свята а 12:00, а скончыцца апоўначы. Што рабіць на фэсце, расказваем ў нашым гайдзе.

Павялічыць выяву

Лайнап

«Баржомі» гэтым разам вырашылі прывезці ў Мінск самых характэрных грузінскіх артыстаў. Напрыклад, Mgzavrebi. Гэта, відаць, самы запатрабаваны грузінскі калектыў проста цяпер — у гэтым годзе ён стане хэдлайнерам фестывалю. Гурт пабываў у гасцях у «Вечернего Урганта», ды і ў Мінску на закрытых пляцоўках ужо ладзілі аншлагі.

Яшчэ будзе выступаць шматгалоссе «Швідкаца», якое так захапіла Ангелу Меркель падчас яе нядаўняга візіту ў Тбілісі.

А таксама ўладальнік першай прэміі сёлетняга «Славянскага базару» Георгій Путкарадзэ — у мінулым месяцы батумец рваў віцебскі амфітэатр трэкам «Небяспечна» беларускіх рокераў Nizkiz.

Для гасцей падрыхтавалі выступ выканаўцаў песні «Менск з характарам» — у мінулым месяцы Shuma, Бакей, Ліса і Валік у рамках праекта брэнда «Баржомі» #городсхарактером запісалі сумесны трэк пра нашу сталіцу. Яго можна будзе пачуць вечарам на галоўнай сцэне фестывалю.

Фудкорт «Характар ​​гасцінны»

40 выязных пунктаў з хінкалі, харчо, хачапуры, чурчхелай, віном і «Баржомі» — у гэтым годзе фудкорт размесціцца перад Ратушай і ў некалькіх дворыках па вуліцы Герцэна. Напрыклад, атрымаць асалоду ад віна і ўтульнай атмасферы Старога Тбілісі прапануюць па адрасе Герцэна, 2а. На пляцоўцы можна будзе пагуляць у даміно або шахматы, паслухаць жывую музыку, купіць адзенне або ўпрыгажэнні на маркеце KaliLaska і зрабіць рамантычнае фота пад характэрным дрэвам «Баржомі».

Грузінска-беларускае вяселле «Характар ​​рамантычны»

На свяце разгорнецца сапраўдная грузінска-беларуская ўрачыстасць у фармаце імерсіўнага тэатра: пара маладых рыхтуецца згуляць вяселле ў найлепшых традыцыях Грузіі і Беларусі проста на фестывалі. Пройдзе конкурс на самы доўгі тост, заварочванні дзяўчат у дыван на хуткасць і сапраўдны грузінскі выкуп нявесты.

Акрамя гэтага, на пляцоўцы будзе працаваць Offline Tinder Borjomi. З яго дапамогай госці фестывалю без пары змогуць заметчыцца з кім-небудзь у афлайне, праверыць, ці супадаюць характары ў іх з новым знаёмым або знаёмай, і нават атрымаюць магчымасць бясплатна адправіцца ў Грузію.

Турмаркет «Характар ​​улётны»

Летась гасцям фестывалю асабліва спадабаўся турыстычны маркет. Купіць пуцёўку ў Тбілісі, Кутаісі, Батумі можна будзе і ў гэты раз, прычым у карэнных жыхароў сонечнай краіны: у гэтым годзе адным з партнёраў пляцоўкі стаў Дэпартамент турызму і курортаў Аджарыі і нацыянальная адміністрацыя курортаў Грузіі.

Днём на турыстычным маркеце пройдзе караоке-конкурс песень Меладзэ. Праспяваць і выйграць экскурсію па Грузіі зможа любы госць фестывалю.

View this post on Instagram

#тбилисоба2018❤️ . . Пост с места событий . . Огромное количество людей сегодня на Зыбицкой , а все потому что сегодня проходит фестиваль #тбилисоба2018 Грузинский фестиваль . . На Зыбицкой множество развлечений , для детей и не только , канатная дорога, гастродвор . . Плачу от того, что мы просто не смогли стоять в огромных очередях за грузинскими вкусняшками . . Так и манил меня хачапури и баранина на вертеле ждать час , совсем не было возможности , хотя такие очереди и ажиатаж был ожидаем . . Вообщем атмосфера крутая . . В 22:00 будет концерт Нино Катамадзе, грузинская джазовая певица . . Молодцы организаторы , все очень колоритно и по грузински . . . #тбилисоба #грузия #грузинскийфестиваль #грузинскаякухня #грузия

A post shared by Заходи Тут Интересно (@vikki_moss) on

Танцавальная пляцоўка Borjomi Party «Характар ​​рухавы»

На танцавальнай сцэне Borjomi Party зладзяць батлы ў незвычайным фармаце — vogue супраць брэйкдансу, грузінскія народныя супраць jazz-funk. Днём для гасцей свята пройдуць майстар-класы. Навучыцца грувіць, рабіць catwalk або паспрабаваць станцаваць Мціулуры можна будзе з 12:30 да 14:30, а батлы працягнуцца да 20:00.

Дзіцячая пляцоўка «Характар гарэзлівы»

Дзіцячая пляцоўка пачне сваю працу з самага пачатку фестывалю. З раніцы тут будуць праходзіць майстар-класы па футболе, на якія рыхтуецца зазірнуць мэр Тбілісі Каха Каладзэ — у мінулым ён гуляў на пазіцыі абаронцы ў тбіліскім і кіеўскім «Дынама», «Мілане» і «Джэноа». Акрамя гэтага, можна будзе трапіць на трэніроўку па чыдаоба — традыцыйнай грузінскай барацьбе, — а днём маленькіх удзельнікаў фестывалю плануюць навучыць традыцыйным грузінскім танцам. Тут жа будзе працаваць пляцоўка для гульні ў рэгбі. А яшчэ для дзяцей зладзяць грузінскі арт-пікнік: раскажуць пра культуру Грузіі і накормяць смачнай ежай.

Павялічыць выяву

Borjomi Active «Характар ​​незвычайны»

Залезці на «скалу», прайсціся па лоўлайну або праявіць смеласць і нырнуць з вялікай вышыні ў басейн, поўны баначак «Баржомі», — выбірайце самі. Плюс, толькі на гэтай пляцоўцы вы зможаце зрабіць памятны здымак з футравым аўто. Ну і напрыканцы, менавіта тут можна будзе афарбаваць бровы ў яркі колер. Дапамогуць з гэтым майстры салона Fedina, у якім на мінулым тыдні, у нядзелю, прайшоў конкурс прыгажосці «Панна Тбілісоба», дзе галоўным крытэрыем адбору пераможцы былі бровы. Выбірайце любы колер і наперад!

Павялічыць выяву

Беларускі куток «Характар ​​беларускі»

Трапіць на майстар-клас да беларускіх рамеснікаў? А можа, купіць майку LSTR? І тое, і другое можна будзе зрабіць на беларускай пляцоўцы «Тбілісобы».

Вас навучаць спрытна плесці саломку і ферментаваць гарбату. Даўно хацелі паспрабаваць? Калі ласка, прыходзьце.

Тут жа шукайце і спецыяльны пункт «Нашай гісторыі». Не хапае нейкіх нумароў часопіса? Хочаце пачытаць-пагартаць? Прыходзьце! Дарэчы, будзе магчымасць выйграць часопіс і іншыя прызы.

Вуліца традыцый Мамулі «Характар ​​грузінскі»

Калі вы хочаце навучыцца грузінскай каліграфіі, а можа, даўно думаеце разабрацца ў тым, як правільна валіць з воўны або майстраваць манетніцы са скуры — вам варта зазірнуць сюды. Тут вы нават зможаце адчуць сябе крыху Пірасмані — паспрабуеце намаляваць грузінскі пейзаж. Віном.

Рынак грузінскіх майстроў «Характар ​​тэмпераментны»

Характэрныя тавары, якія можна купіць толькі на грузінскім базары: баначка незвычайных спецый, шкарпэткі з хінкалі, чурчхела. Не блытайце з беларускім, толькі тут можна знайсці мінанкары — характэрныя грузінскія ўпрыгажэнні з перагародкавай эмалі. Ну ці купіць кераміку ад удзельнікаў арганізацыі «Добрая справа». Каларытнае месца будзе працаваць з 12:00 да 24:00.

Лайнап фестывалю

13:30 — 15:00 — выступы ансамбля Iriao, танцавальнага ансамбля «Сонечная Грузія»

15:00 — 15:30 — афіцыйнае адкрыццё «Тбілісоба»

15:30 — 17:00 — выступы ансамбля Iriao, Георгія Путкарадзэ, грузінскага шматгалосся «Швідкаца»

17:00 — 20:30 — перапынак

20:30 — 22:00 — выступы шматгалосся «Швідкаца» і Давіда Гамартэлі, Георгія Путкарадзэ, ансамбля Iriao. Прагучыць трэк «Менск з характарам» (Бакей, Shuma, Ліса, Валік)

23:00 — 24:00 — Mgzavrebi

NN.by

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30