Святлана Куль. Калі ў Гародні счырванеюць клёны… Верш

Калі ў Гародні счырванеюць клёны,
А верасень на цвік павесіць ветах,
Я захачу зацята збегчы ў лета.
Куплю сабе квіток да Барселоны.
Туды ляцець — не крыламі праз вецер,
Гадзіны тры да гэтых каталонцаў.
У іх цяпло. Там ліпеньскае сонца.
Я дні чатыры зноў пабуду ў леце.
І можа ў вечаровую гадзіну,
З зялёных не па-восеньску прысадаў
Пачую я з нябёсаў над Саграда
Па-беларуску клёкат жураўліны.

Святлана Куль, facebook.com

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0