Даслаць навіну
Знайсці
20.08.2019 / 10:55 8

«Сыну хацеў падарыць». У Мінску судзяць за крадзеж пракатнага ровара «Колабайк» 

Павялічыць выяву

Анатоль М. паведаміў суддзі, што ніколі не чуў пра сістэму байкшэрынгу, піша Радыё Свабода.

Суд Ленінскага раёна Мінска разглядае справу аб крадзяжы пракатнага ровара. На лаве падсудных 43-гадовы кіроўца з Баранавічаў Анатоль М. Ён працуе ў індывідуальнага прадпрымальніка, час ад часу прыязджае ў Мінск на грузавым аўтамабілі па тавар.

Крадзеж пракатнага ровара адбыўся каля апоўначы 21 ліпеня на Ігуменскім тракце. Абвінавачаны ў суд прыйшоў сам, ад паслугаў адваката адмовіўся, віну прызнаў цалкам.

«Чысло не памятаю, калі гэта здарылася, — расказаў абвінавачаны. — Стаяў ровар на Ігуменскім тракце, каля кальцавой. Дзень стаяў. На другі дзень праязджаю — зноў стаіць. Два дні стаіць, нікому не патрэбны. Стаіць і стаіць. У нас такіх няма ў Баранавічах. Ну я і вырашыў забраць. Спыніўся, кінуў у машыну і паехаў назад у Баранавічы. Я ровар хацеў сыну падарыць. Пра байкшэрынг ніколі не чуў. Калі б чуў, то лепш бы я сыну ровар сам купіў».

Ровар М. пратэсціраваў праз некаторы час, ён быў заблакаваны. Па словах абвінавачанага, ён збіраўся пазней вырашыць гэтую праблему, аднак перашкодзілі следчыя, якія спынілі грузавік М. і знайшлі скрадзены ровар у яго кузаве. Яго сыну 18 гадоў.

Сьведкам на працэсе выступіў інжынер кампаніі «Колабайк», якой належыць ровар. Ён расказаў, што праз сістэму спадарожнікавага сачэньня ў кампаніі змаглі пабачыць, што іх ровар знаходзіцца ў Фаніпалі, а потым пачаў рухацца ў кірунку Стоўбцаў. Пасля ў «Колабайку» вырашылі звярнуцца ў міліцыю.

Ровар, які паводле сьледзтва скраў М., быў вернуты ўласніку цэлым. Паводле матэрыялаў суда, ён каштуе 728 рублёў 36 капеек. Гэта дазваляе разглядаць справу аб крадзяжы пракатнага ровара па частцы 1 артыкула 205 Крымінальнага кодэксу (крадзеж). Яна прадугледжвае пакаранне ад штрафу да пазбаўлення волі тэрмінам 3 гады.

Як паведаміў у залі суда прадстаўнік кампаніі «Колабайк», на дадзены момант вядома восем выпадкаў крадзяжоў пракатных ровараў.

Пракурор папрасіў пакараць абвінавачанага штрафам у 75 базавых велічынь (1912,5 рубля). Рашэнне будзе вынесена 20 жніўня ў 11.30.

Радыё Свабода

4
Вадзім / адказаць
20.08.2019 / 12:32
Логіка канешне. Два! дні! стаіць! Ого...
У мяне машына бывае і па 10 дзён стаіць... Пара баяцца...
Цікава, колькі дзён ягоная хата стаіць на адным месцы?
0
lesnick / адказаць
20.08.2019 / 13:33
Толькi так "чаркашкварачнiкау" можна навучыць паважаць прыватную уласнасць! "Усё навокал калхознае - усё навокал маё!"- тут не пракацiць!
4
Максим Дизайнер / адказаць
20.08.2019 / 13:53
Прикольно так. Стоит новенький велосипед. День стоит, второй стоит. Значит никому не нужен, надо забрать.Сыну 18 лет. Какое позорище. Со своими деревенскими порядками сидите там, откуда приехали.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30