Даслаць навіну
Знайсці
19.08.2019 / 17:41 11

Мова наша. Даход ці прыбытак? Кошт ці цана? 

Павялічыць выяву

У фэйсбуку, у адной з моўных суполак, адзін з карыстальнікаў падняў пытанне: ці ёсць розніца паміж паняткамі «даход» і «прыбытак»? Многія на гэта параілі не замарочвацца: маўляў, розніцы няма, хопіць проста прыбытку. Але людзі эканамічна адукаваныя тут жа запярэчылі: гэта ж абсалютна розныя паняцці, нельга ніяк іх атаясамліваць! 

Сапраўды, давайце разбяромся на прыкладзе. 

Прадпрымальны чалавек Антось купіў у суседкі на вёсцы 10 кілаграм (па 1 рублі) памідораў — памідоры грунтовыя, спелыя, духмяныя. Павёз іх на Камароўку, расхапалі памідоры за 3 рублі за кілаграм.

Лічым: даход ад продажу кемлівага Антося — 30 рублёў (3 руб.×10 кг = 30 руб). А які ж прыбытак (разлічваем яго па формуле: даход мінус выдаткі)? 30 рублёў мінус дарога ў Мінск у два бакі (6 рублёў), 10 рублёў аддаў суседцы — выходзіць 14 рублёў.

Давайце цяпер яшчэ заадно з цаной і з коштам разбяромся — гэта таксама эканамічна розныя паняцці, і мова ў гэтым дапамагае разабрацца. 

Што ж такое кошт? Гэта тое, у што абышоўся тавар прадаўцу: сабекошт аднаго кілаграма памідораў для Антося — 1,6 рубля (1 кілаграм памідораў + 60 капеек за дарогу на кожны кілаграм). Цана — гэта тое, па чым тавар прадаецца, у што абышоўся кілаграм памідораў купцу — 3 рублі. Розніца паміж сабекоштам і цаной — навар Антося, прыбытак (3 — 1,6 = 1,4; 1,4 * 10 кг = 14 руб.).

Кошт + прыбытак = цана (price, prix, ціна, цена). 

Цана * колькасць тавару = даход. 

Не блытайце! 

NN.by

0
a.hto.tam.idze / адказаць
20.08.2019 / 08:54
Алег80, Кошт - стоимость; цана - цена
0
Skarbnik / адказаць
20.08.2019 / 12:03
Як прафесійны эканаміст мушу зазначыць, што ананімны аўтар рубрыкі ў першым выпадку мае рацыю, а ў другім – не. Даход – гэта тая грашовая сума, што даходзіць да прадаўца пасля продажу тавару пэўным коштам, то бок усё, што ён утаргаваў. Прыбытак – гэта тое, што прыбывае: даход мінус выдаткі ды падаткі. У другім пытанні аўтар трохі заблытаўся. Напраўду ў нашай мове словы “кошт” і “цана” з’яўляюцца часткова сінонімамі ў значэнні “грашовае выяўленне вартасці тавару”. Калі мы кажам: “Тавар каштуе 5 €”, то маем на ўвазе, што тавар мае кошт або цану 5 €. Калі мы заплацім, то гэтая сума  стане нашымі выдаткамі. Слова “цана” шырэйшае ў сваім значэнні як плата за штосьці (не толькі грашовая), напрыклад, цана перамогі.
0
Скураныя крылы / адказаць
20.08.2019 / 12:16
Крыху заблыталі пытанне, бо не сказалі пра вартасць.


Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30