Лукашэнка прызначыў кіраўнікоў у тры раёны Магілёўскай вобласці
Кіраваць Бялыніцкім райвыканкамам будзе Васіль Захаранка, зараз ён старшынюе ў Клімавіцкім райсавеце дэпутатаў. Першы намеснік гендырэктара Аграмашсэрвіса Мікалай Сцяпанаў узгоднены на пасаду старшыні Дрыбінскага райвыканкама. Аляксандр Яфімчык, выканаўчы дырэктар па вытворчасці і сельскай гаспадарцы прадпрыемства «Магілёўскае насенне траў», узначаліць Чавускі райвыканкам, піша БелТА
Аляксандр Лукашэнка адзначыў, што галоўным напрамкам гаспадарчай дзейнасці ў гэтых раёнах з'яўляецца сельская гаспадарка, і яму трэба будзе надаваць асаблівую ўвагу.
Акрамя таго, новым старшыням райвыканкамаў неабходна пагрузіцца ў пытанні эканомікі, вывучыць асаблівасці прамысловасці ў сваіх раёнах і нават заняцца ідэалогіяй — комплекс пытанняў вельмі шырокі. «Будзе няпроста, паколькі вы на перадавой, тварам да твару з людзьмі. І штодзень вам трэба даказваць ім сваю кампетэнтнасць, што вы не дарма прыехалі ў гэты раён, — сказаў ён. — Мы выпакутавалі шляхі вырашэння праблемных пытанняў. Гэта вялікая справа, калі ты не проста ведаеш, што трэба рабіць, але ведаеш, як трэба рабіць».
Кіраўнік дзяржавы заўважыў, што ў гэтых раёнах ёсць некалькі стратных гаспадарак — з імі неабходна працаваць у першую чаргу.
