Даслаць навіну
Знайсці
18.08.2019 / 18:16

Дзясяткі тысяч чалавек ізноў пратэставалі ў Ганконгу супраць кітайскага таталітарызму, нягледзячы на залеву ФОТЫ

Павялічыць

Нягледзячы на ​​праліўны дождж, дзясяткі тысяч чалавек выйшлі ў нядзелю на вуліцы Ганконга для ўдзелу ў чарговай антыўрадавай акцыі, перадае «Голас Амерыкі».

Павялічыць

Гэта ўжо адзінаццатыя выхадныя запар, калі дэманстранты выходзяць на вуліцы, выказваючы сваё абурэнне.

Павялічыць

Акцыі пачыналіся як мірныя пратэсты супраць законапраекта аб экстрадыцыі, які дапускаў выдачу падазраваных у крымінальных злачынствах матэрыковаму Кітаю, дзе суд над імі праходзіў бы ў непразрыстай прававой сістэме.

З тых часоў пратэсты перараслі ў рух за дэмакратычныя рэформы.

Пратэсты носяць мірны характар, але часам адбываюцца сутычкі актывістаў з паліцыяй.

«Мы спадзяемся, што сёння не будзе ніякіх хаатычных сітуацый», — заявіла арганізатар акцыі Боні Люн.

Праца над законам аб экстрадыцыі была прыпыненая, але пратэсты працягваліся праз занепакоенасць жыхароў Ганконга эрозіяй свабод, гарантаваных ў адпаведнасці з прынцыпам «адна краіна, дзве сістэмы», які дзейнічае з тых часоў, як гэтая тэрыторыя была вернутая Вялікабрытаніяй Кітаю ў 1997 годзе.

Кітайскія ваенізаваныя фармаванні праходзяць падрыхтоўку ў Шэньчжэне, які мяжуе з Ганконгам. Гэта выклікае занепакоенасць, што Пекін гатовы ўвесці войскі, каб задушыць пратэсты.

Паліцыя Ганконга настойвае, што сама здольная справіцца з дэманстрантамі.

Дэманстрацыі ў аэрапорце Ганконга, якія пачаліся на мінулых выходных, працягнуліся і ў наступныя працоўныя дні, у выніку чаго адна з самых загружаных паветраных гаваняў свету была паралізаваная некалькі дзён. Гэта прывяло да сутыкненняў паміж дэманстрантамі і паліцэйскім спецназам.

Фота: South China Morning Post

Хочаш падзяліцца важнай інфармацыяй
ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30