Дыетолагі назвалі найлепшы прадукт для людзей з павышаным ціскам

Брытанскія дыетолагі назвалі сыр мацарэла найлепшым прадуктам для людзей з высокім крывяным ціскам. Пра гэта паведамляе Express.

Фота: pixabay.com

Эксперты адзначаюць, што малочныя прадукты карысныя, бо багатыя на кальцый, аднак у многіх з іх — павышанае ўтрыманне тлушчу, а некаторыя сыры ўтрымліваюць занадта многа солі. Па словах дыетолагаў, сыр мацарэла лічыцца адным з найлепшых варыянтаў, бо ў ім солі і тлушчу мала.

Гіпертонікам варта ўключыць у рацыён і іншыя гатункі белага сыру, такія, як фета і казіны сыр. Акрамя таго, зніжае артэрыяльны ціск нятлусты тварог.

Раней дыетолагі назвалі сыр з цвіллю самым небяспечным.

Адзначалася, што ў такіх сырах, як ракфор, дарблю, гарганзола, камамбер і бры, утрымліваюцца бактэрыя, якія могуць справакаваць развіццё інфекцыйнага захворвання — лістэрыёзу. Сыр з цвіллю не варта ўжываць дзецям, цяжарным жанчынам і тым, якія кормяць грудзьмі, а таксама людзям з захворваннямі сістэмы стрававання, заявілі эксперты.