Даслаць навіну
Знайсці
16.08.2019 / 11:08 8

Сяргей Доўгушаў ажаніўся: вяселле-фэст у народных традыцыях гулялі ў Пружанскім раёне ФОТЫ

Музыка і этнограф Сяргей Доўгушаў і Віялета Нікіцік зладзілі вяселле-фэст у народных традыцыях. На свята ў вёску Стойлы Пружанскага раёна маладыя запрасілі не толькі сваякоў і сяброў, але і ўсіх, хто цікавіцца беларускай культурай.

Павялічыць выяву

«Калі я вучылася ва Універсітэце культуры на тэатральнага рэжысёра, у нас на першым курсе выкладаў этнаграфію Янка Крук. І ён вельмі цікава распавядаў пра абрады, традыцыі. Я тады яшчэ думала, што хачу сабе вяселле па ўсіх традыцыйных канонах, бо гэта мае сапраўды сакральны сэнс, — расказвае Віялета. — А мой муж Сяржук ужо прыйшоў да гэтага, калі пачаў займацца фальклорам. Быў на розных вяселлях і на Падляшшы, і ў Беларусі. І калі мы вырашылі ажаніцца, то спачатку толькі распісаліся, а потым ужо за год планавалі вяселле-фэст».

Павялічыць выяву

За аснову пара ўзяла абрады, характэрныя для Драгічынскага, Пружанскага і Пінскага раёнаў. У адзін дзень пастараліся ўмясціць сцэнарый традыцыйнага двухдзённага вяселля.

Павялічыць выяву

«З унікальных момантаў быў паказаны абрад савы, які ёсць на Пружаншчыне. Калі выносяць печаную саву, усе нежанатыя і незамужнія павінны кугакаць. А потым хуценька выскачыць да пірага і адламаць кавалак. Хто больш адламае — той хутчэй выйдзе замуж ці жэніцца», — расказвае Сяргей.

Павялічыць выяву

А ў канцы свята госці танчылі на лаве — яе трэба зламаць. Гэта будзе сімвалам таго, што больш у гэтым месцы маладыя не правядуць вяселле.

Павялічыць выяву

Касцюмы пара спецыяльна замаўляла ў Сцепаніды Сцепанюк з Маларыцкага раёна — гэта ўнікальная майстрыца, якая робіць народны строй на кроснах.

Павялічыць выяву

«Мы хацелі зрабіць максімум па-сапраўднаму, бо праводзіліся ўжо рэканструкцыі вяселляў, але яны былі як тэатральныя. Падстаўныя маладыя — гэта нецікава. Тут маладыя сапраўдныя, і мы самі перажывалі», — дзеліцца Сяргей.

Усяго на вяселле-фэсце сабралася больш за 120 чалавек. Каля 50 з іх прыйшлі па квітках.

Павялічыць выяву

«Галоўнае дасягненне — удалося стварыць атмасферу. Усе з зацікаўленасцю рэагавалі, удзельнічалі. Было ўражанне, што людзі невыпадковыя сабраліся. І мы на будучыню задумаліся, што, можа, і трэба такі невялічкі фармат падтрымліваць. Калі 500 чалавек збярэцца, не будзе той камернасці і душэўнасці».

Доўгушавы спадзяюцца, што вяселле-фэсты стануць у нас штогадовай традыцыяй. Наступны, напрыклад, мог бы прайсці на Віцебшчыне.

Павялічыць выяву

НЛ, фота Андрэя Землякова

2
lesnick / адказаць
16.08.2019 / 15:00
Сто Лят Маладым!!!!
0
Черная Русь / адказаць
16.08.2019 / 22:50
красота.. 
1
Черная Русь / адказаць
17.08.2019 / 16:31
lesnick,к почему польские призывы на белорусской свадьбе? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30