6-гадовае дзіця памерла ў аўтамабілі хуткай па дарозе з Лунінца ў мінскі шпіталь

У Лунінцы высвятляюць прычыну смерці шасцігадовага дзіцяці, паведамляе Следчы камітэт.

Трагедыя здарылася 7 жніўня. У 15.20 у Лунінецкі РАУС паступіла паведамленне з цэнтральнай раённай бальніцы пра тое, што ва ўстанову аховы здароўя брыгада хуткай дапамогі даставіла малалетняга мясцовага жыхара. Высветлілася, што ў гэты дзень мужчына з шасцігадовым сынам прыехаў у госці да сваіх бацькоў. Хлопчык паскардзіўся на дрэннае самаадчуванне, бабуля дала яму лекі. Пасля гэтага дзіцяці стала горш. Для далейшага лячэння маленькага пацыента вырашылі перавесці ў мінскую бальніцу. Падчас транспарціроўкі хлопчык памёр у аўтамабілі хуткай дапамогі.

Праводзіцца праверка, прычына смерці высвятляецца. Прызначана судова-медыцынская экспертыза.

БелТА

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0