Даслаць навіну
Знайсці
14.08.2019 / 13:43 4

Пётр Маркелаў паўдзельнічае ў будаўніцтве моста на Алясцы, дзе загінула яго жонка

25 ліпеня 2019 года на Алясцы загінула 24-гадовая беларуская рэжысёрка Ніка Ніканава. Разам з мужам, актывістам Пятром Маркелавым, яна пераходзіла цераз раку Тэкланіка, але плынь збіла дзяўчыну з ног.

Павялічыць выяву

Пятро Маркелаў і Ніка Ніканава

Цяпер стала вядома, што Маркелаў, магчыма, паўдзельнічае ў будаўніцтве моста цераз раку, дзе загінула яго жонка.

На беразе Тэкланікі стаіць закінуты аўтобус, да якога перыядычна прыязджае моладзь з усяго свету. Ён стаў вядомы дзякуючы кнізе, а пасля і фільму «У дзікіх умовах» (ён расказвае рэальную гісторыю пра Крыса Макэндлеса, амерыканскага хлопца з забяспечанай сям'і, які адправіўся ў глухі раён Аляскі, пасяліўся там у аўтобусе, а праз чатыры месяцы загінуў ад знясілення). Той аўтобус і вырашылі наведаць Маркелаў і Ніканава. Скончылася гісторыя таксама трагічна.

Цяпер, па словах Маркелава, з ім звязалася маці дзяўчыны, якая загінула ў той жа рацэ 9 гадоў таму. Абмяркоўваецца пытанне пабудовы моста.

«Мы перапісваемся, абмяркоўваем, як гэта ўсё лепш зрабіць», — кажа Маркелаў.

Грашовыя сумы, тэхнічныя дэталі пакуль яшчэ не вядомыя. У будоўлі, магчыма, могуць узяць удзел і сваякі таго самага Макэндлеса, і, можа быць, аўтары кнігі і фільма пра яго.

Пасля смерці Ніканавай абвясцілі збор грошай на выдаткі, звязаныя з яе пахаваннем. Назбіралася трохі больш за 22 тысячы даляраў. Цела Ніканавай крэміравалі ў ЗША. Прах прывезлі ў Беларусь.

«Сустрэча памяці Нікі пройдзе 20 жніўня у царкве, куды яна хадзіла. 21 жніўня будзе яшчэ адна сустрэча на «Хаце 1863», — паведаміў Маркелаў. — Пахаванне — гэта не тое, што людзям цікава, гэта проста працэс змяшчэння праху ў зямлю. Я не ведаю, чаму гэта ўсіх так цікавіць, і не ведаю, калі будзе адбывацца гэтае пахаванне. А сустрэча памяці — гэта больш важна, людзі могуць падзяліцца гісторыямі, узгадаць разам чалавека».

Колькі грошай сышло на ўсе працэдуры і колькі засталося, Маркелаў, па яго словах, не ведае. Кажа, займаўся гэтым не ён, а маці Нікі.

Але рэшту сабраных грошай Маркелаў абяцае выдаткаваць на сканчэнне дакументальнага фільма «Пакаленне 328», які зняла Ніканава. Фільм прысвечаны беларускім жанчынам і іх дзецям, асуджаным за распаўсюд наркотыкаў.

УШ

14
lesnick / адказаць
14.08.2019 / 16:11
Грэх табе трэба замольваць,  а не мост будаваць! Калi ён будзе патрэбен аляскiнцам - то i без "легалайзерау" яго пабудуюць!
5
Яўген Знарок / адказаць
14.08.2019 / 17:55
Мост будзе годным помнікам, поспехаў і трымайцесь!
9
Малады / адказаць
14.08.2019 / 18:04
Хто піярыць гэтае марыхуанавае непаразуменьне? Супакой душы дзяўчынкі, і годзе. Ці мы наступным разам будзем чытаць, што ён завёў сабачку, бо сумуе? забіў касячок у памяць пра Аляску?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31