Даслаць навіну
Знайсці
14.08.2019 / 13:26 4

Георгій Калдун паспрабуе свае сілы ва ўкраінскім шоу «Х-фактар»

Вядучы, спявак, радыёвядучы Георгій Калдун прыйшоў на кастынг 10 сезона ўкраінскага вакальнага шоу «Х-фактар». Спявак распавёў каналу СТБ, чаму менавіта цяпер вырашыў паказаць свой талент суддзям, а таксама прызнаўся, ці раіўся з нагоды ўдзелу ў шоу з родным братам — вядомым беларускім спеваком Дзмітрыем Калдуном.

Павялічыць выяву

Фота з сацсетак спевака

— Што прывяло вас на кастынг «Х-фактара»?

— Мне падабаецца праект і сам фармат. Мне падабаецца, як здымае СТБ, бо я працаваў там гадоў 9 таму над праектам «Феномен» і бачыў усе працэсы знутры. Мне 42 гады, гэта ўжо не дзіцячыя нейкія подзвігі, проста вырашыў паспрабаваць. Нічога звышнатуральнага за гэтым не стаіць.

— Вы — чалавек многіх талентаў. Спявак, тэле- і радыёвядучы. Чаму вырашыліся выпрабаваць свае сілы менавіта цяпер?

— Чаму цяпер? Гэта хутчэй такі збег абставінаў. У мяне вельмі шмат канцэртаў у Беларусі — з жывым складам, сольных. У нейкі момант захацелася знайсці іншую аўдыторыю. «Х-фактар», незалежна ад выніку, дасць магчымасць праявіць сябе ў той музыцы і манеры выканання, у якой магу нешта прадэманстраваць.

Георгій Калдун прыйшоў на «Х-фактар»

— Ці раіліся з братам Дзмітрыем перад кастынгам? Былі нейкія парады?

— Я нікому з родных нічога не казаў. Я не люблю хваліцца нейкімі рэчамі — трэба адразу вынікі паведамляць. Мы не раімся адзін з адным. Мы дзелімся нейкімі прыемнымі рэчамі ці інфармацыяй. У гэтым плане больш патрэбна падтрымка і аналіз таго, што адбываецца. Для мяне гэта важней, чым нейкія парады.

— На што вы гатовыя дзеля перамогі на «Х-фактары»?

— Гатовы максімальна ўкласціся ва ўдзел праекце і атрымаць максімум ККД. Спадзявацца на перамогу хочацца, як і любому ўдзельніку. Але казаць, што гэта будзе перамога ці смерць — было б перабольшаннем.

Новы сезон папулярнага ўкраінскага праекта «Х-фактар» стартуе ўжо 14 верасня. 

NN.by

2
БРСМ / адказаць
14.08.2019 / 14:07
Гэта той, які ў Крыме нядаўна спяваў? Ці брат?
1
Мiця Выкручанскi / адказаць
14.08.2019 / 14:22
...Гриша прибыл править бал ?!
1
Алег80 / адказаць
14.08.2019 / 16:25
Жора! Калі ласка, не трэба! Спевы - гэта не тваё!! (гэта я вельмі мякка выказаўся)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31