Даслаць навіну
Знайсці
14.08.2019 / 12:57 4

Лукашэнка задумаўся, як палепшыць жыццё людзей на паўднёвым усходзе Магілёўшчыны

Павялічыць выяву

Аляксандр Лукашэнка праводзіць у Касцюковічах нараду аб развіцці паўднёва-ўсходніх раёнаў Магілёўскай вобласці, паведамляе БелТА.

Паўднёва-ўсходняя частка Магілёўскай вобласці акрамя Касцюковіцкага ўключае ў сябе Клімавіцкі, Краснапольскі, Крычаўскі, Слаўгарадскі, Чэрыкаўскі і Хоцімскі раёны. Дэталёва разгледзець стан спраў у рэгіёне кіраўнік дзяржавы паабяцаў у час нядаўніх кадравых назначэнняў. Чатыры гады таму для актывізацыі сацыяльна-эканамічнага развіцця гэтых тэрыторый былі прыняты ўказ і праграма, накіраваныя на стварэнне спрыяльных умоў пражывання насельніцтва.

«Мінуў час, і сёння нам неабходна абмеркаваць эфектыўнасць гэтых рашэнняў і аб'ектыўна ацаніць прамежкавыя вынікі. Гэта значыць, нарада мае кантрольны характар, - сказаў Аляксандр Лукашэнка. - Я не хачу адмаўляць тое, што за гэты час жыццё на месцы не стаяла, адбыліся пэўныя зрухі ў лепшы бок, створаны новыя прадпрыемствы, з'явіліся новыя людзі. Але, як мне дакладваюць, праблем хапае. Рэалізаваны асобныя праекты ў дрэваапрацоўцы, мадэрнізаваны цэментныя прадпрыемствы, створаны дадатковыя працоўныя месцы ў прадпрымальніцкім асяроддзі, уведзена ў эксплуатацыю больш за 125 тыс. кв.м жылля».

Аднак запланаваныя мерапрыемствы рэалізуюцца нізкімі тэмпамі, асобныя з іх выключаюцца, сродкі, што выдзяляюцца, не асвойваюцца. Не адбылося і павышэння дзелавой актыўнасці, а колькасць занятых у эканоміцы скарацілася, адзначыў ён.

«Усё б нічога, калі стварылі высокатэхналагічныя вытворчасці, дзе, можа, замест сотні чалавек працуюць дзесяць. Страху ў гэтым няма, што скарацілася занятасць і няма беспрацоўя, гэта добра. Але паўстае пытанне прыцягнення сюды насельніцтва, а таксама і стварэння для яго месцаў для пражывання і работы. Трэба ў комплексе глядзець на гэтыя лічбы», - падкрэсліў Аляксандр Лукашэнка.

Кіраўнік дзяржавы нагадаў аб сваім патрабаванні: людзі павінны быць упэўнены ў заўтрашнім дні, мець работу, дастойную заработную плату і камфортныя ўмовы для пражывання. «Нічога новага. Трэба стварыць нармальныя ўмовы, як у іншых рэгіёнах краіны. Я спадзяюся на адкрытую, сумленную размову і хацеў бы пачуць канкрэтныя прапановы па праблемах, якія неабходна вырашаць», - рэзюмаваў Лукашэнка.

0
Мiця Выкручанскi / адказаць
14.08.2019 / 14:35
...прозаседавшиеся - просовещавщиеся !
0
HENRIK KWINTA / адказаць
14.08.2019 / 17:25
Гэты разумны 25 год ведае як трэба усё рабиць, тольки чамусци не храна не робиць а тольки жывець для сябе. "Слуга народа".
0
Козік / адказаць
15.08.2019 / 10:47
Можна ж было на нарадзе ў Пуціна дамовіцца пра супольную працу прыгранічных тэрыторый ў гэтым кірунку.  Гэта ж нашыя людзі, што тут, што там...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31