«Нехта выкінуў гэтых кацянят на дарогу. Трох уладкавалі, яшчэ двум трэба гаспадары»
«Едзем мы на Блакітныя азёры. Цудоўнае надвор'е, неверагодна прыгожыя краявіды, настрой адпаведна падвышаны. Раптам бачым — наўпрост пад колы кідаюцца кацяняты. Хтосьці выкінуў проста пасярод дарогі, — піша чытачка «Нашай Нівы» Алеся Чонг. — Не маглі праехаць, спыняемся. Пяцёра месячных коцікаў ляцяць да нас. Цудоўныя, усе розныя, чысценькія і хатнія. Бяром усіх. Тусім іх пару дзён на хутары, вяртаемся ў Мінск і прабуем уладкаваць. Коцікі — проста шчасце. Ходзяць куды трэба, гуляюцца і ласцяцца, ды мурчаць як трактары. Дваіх забралі, аднаго пакіну сабе, засталося знайсці добрых гаспадароў яшчэ рудзенькаму хлопчыку і трыкалорцы дзяўчынцы.
Калі ласка, знайдзіцеся тыя, хто будзе коцікаў любіць і цешыцца з іх!» — просіць чытачка.
Тэлефоны: (029) 582 91 06 і (044) 531 64 03.