У вадаёме пад Маладзечнам завялася чарапаха ФОТА, ВІДЭА
Вадалаз Іван Бяляеў убачыў ля вады незвычайную для нашых месцаў істоту — чарапаху, якая поўзала па камянях ля сажалкі ў вёсцы Ізабеліна, што пад Маладзечнам.
«Я працую вадалазам у МНС, у гэтым вадаёме ў нас часта адбываюцца практычныя заняткі, але я ўпершыню ўбачыў тут гэтую «жыхарку», — распавёў «Нашай Ніве» Іван Бяляеў.
Ён расказаў, што чарапаха, хутчэй за ўсё, у вадаёме жыве адна.
«Верагодна, яе выпусціў хтосьці, а яна прыжылася. Мы цікавіліся з калегамі, што гэта за чарапаха. Гугл выдаў інфармацыю, што яна нейкая еўрапейская балотная. Еўрапейская, не маладзечанская ж», — смяецца вадалаз.
З чарапахай вадалаз зрабіў фота на памяць і адпусціў назад у вадаём.
«Відаць, што чарапашцы тут хораша, паплыла вельмі шпарка», — кажа вадалаз.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера