Даслаць навіну
Знайсці
13.08.2019 / 14:31 15

Суд Ленінскага раёна адмовіўся разглядаць скаргу 20-гадовай студэнткі на кіраўніка Беларусі

Павялічыць выяву

Фота Сяргея Гудзіліна

Суд Ленінскага раёна адмовіў у разглядзе скаргі 20-гадовай студэнткі на кіраўніка Беларусі. Пра гэта Лізавета распавяла TUT.BY. Адказ суда апублікаваны ў Telegram-канале «Выбары. Беларусь».

У адказе сказана, што суддзя Ленінскага раёна Бролішс І.Я., азнаёміўшыся са скаргай, высветліла, што Выбарчы кодэкс утрымлівае вычарпальны пералік падстаў для звароту ў суд. Скарга на дзеянні «службовай асобы», у дадзеным выпадку прэзідэнта, не падлягае разгляду ў судах з прычыны непадведамаснасці.

«З тэксту скаргі бачна, што заяўнік абскарджвае дзеянні службовай асобы, звязаныя з падрыхтоўкай і правядзеннем выбараў дэпутатаў Палаты прадстаўнікоў сёмага склікання. Паколькі Выбарчы кодэкс утрымлівае вычарпальны пералік падстаў для звароту ў суд са скаргай па пытаннях падрыхтоўкі і правядзення выбараў, а, акрамя таго, абскарджванае рашэнне службовай асобы носіць нарматыўны характар, суд лічыць, што ў завядзенні грамадзянскай справы варта адмовіць з прычыны непадведамаснасці».

Студэнтка і юрысты, якія дапамагалі ёй складаць скаргу, лічаць, што ніякага вычарпальнага пераліку ў Выбарчым кодэксе няма і быць не можа, бо артыкулам 60 Канстытуцыі і артыкулам 353 ГПК прадугледжана права абскардзіць любое дзеянне дзяржавы, што ўшчамляе правы грамадзяніна.

Нагадаем, 9 жнiўня 20-гадовая студэнтка Лізавета падала ў суд на Аляксандра Лукашэнку, каб абскардзіць ўказ прэзідэнта аб правядзенні парламенцкіх выбараў.

Выбары ў парламент пройдуць у лістападзе 2019 года. Гэтая дата скарачае на дзесяць месяцаў чатырохгадовы тэрмін паўнамоцтваў Палаты прадстаўнікоў.

Згодна з Канстытуцыяй, тэрмін паўнамоцтваў Нацыянальнага сходу — чатыры гады. Паўнамоцтвы Палаты прадстаўнікоў могуць быць датэрмінова спынены пры адмове ў даверы ўраду, выказванні вотуму недаверу ўраду або двухразовай адмове ў даванні згоды на прызначэнне прэм'ер-міністра. Таксама паўнамоцтвы парламента могуць быць датэрмінова спынены на падставе заключэння Канстытуцыйнага суда ў выпадку сістэматычнага або грубага парушэння палатамі парламента Канстытуцыі.

«Прэзідэнт датэрмінова спыняе паўнамоцтвы Палаты прадстаўнікоў, не маючы на ​​тое прадугледжаных Канстытуцыяй падстаў», — напісала Лізавета ў скарзе. Яна лічыць, што перанос выбараў амаль на год раней ўшчамляе яе правы і правы яе аднагодкаў быць абранымі: стаць дэпутатам Палаты прадстаўнікоў можна толькі з 21 года.

NN.by

0
алесь менски / адказаць
13.08.2019 / 18:27
это не Америка. Здесь нельзя, подать жалобу на президента.
0
HENRIK KWINTA / адказаць
13.08.2019 / 20:08
Милая дзяучына, у нас не выбираюць, а назначаюць и табе ничога не свециць.
0
алесь менски / адказаць
14.08.2019 / 13:04
в Гаагу его
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31