Даслаць навіну
Знайсці
13.08.2019 / 06:55 50

«Каму там вочы коле герб Расійскай імперыі?» Дырэктар каледжа ў Відзах выказаўся пра памятны знак з двухгаловым арлом

Павялічыць выяву

Фота з фэйсбука Змітра Казакевіча

Апроч Расійскай імпэрыі «ніхто нічога для беларускай зямлі не рабіў», — заявіў дырэктар каледжа ў Відзах Міхаіл Смірноў карэспандэнту «Радыё Свабода».

Памятны знак з выявай герба Расійскай імперыі ўсталяваны ў цэнтры мястэчка Відзы Браслаўскага раёна ў гонар заснавання 1 верасня 1803 года Відзаўскага павятовага вучылішча. На ім па-расійску напісана, што вучэльня заснавана па ўказу цара Аляксандра І.

Фотаздымак памятнага знаку з выявай царскага гербу зьмясьціў у фэйсбуку журналіст Зьміцер Казакевіч, які паходзіць з Відзаў. 

Дырэктар Відзаўскага дзяржаўнага прафэсійна-тэхнічнага каледжу Міхаіл Сьмірноў сказаў Свабодзе, што не разумее тых людзей, «якія гатовыя зжэрці, зьмяшаць».

«Гэта проста глупа — здзекавацца з людзей, якія нешта робяць», — сказаў Міхаіл Сьмірноў.

Паводле дырэктара, гэта «ўсяго толькі даніна памяці гісторыі». Знак усталяваны па ініцыятыве «ўсяго калектыву» за пазабюджэтныя сродкі каледжу.

Дазволу на ўсталяванне памятнага знаку ўстанова не прасіла.

«А навошта яго браць, калі гэты знак стаіць на нашай тэрыторыі, за нашы грошы, у нашым студэнцкім сквэры і каля будынкаў 1870 і 1903 гадоў. Навошта мне яшчэ ў некага браць дазвол? Мы гэта зрабілі для сябе, найперш для сваіх студэнтаў», — сказаў Міхаіл Смірноў.

Паводле дырэктара, пошукавая праца ў архівах па гісторыі каледжу працягвалася пяць гадоў.

«Вучэльня працавала паспяхова і была філіяй Віленскага ўніверсітэта цягам 150 гадоў. І гэтую гісторыю ў нас скралі гісторыкі. Яны казалі, што мы былі заснаваныя толькі ў 1954 годзе. А дзе дагэтуль былі 150 гадоў? Нам уцюхвалі, што мы саўдэпаўскія, і ў 1954 годзе была заснавана школа механізацыі. Ці ж гэта справядліва?»

Паводле Міхаіла Смірнова, навучэнцам каледжа «прыемна ведаць, што ў іх такая багатая гісторыя».

«Ня важна, хто там быў. Была б Польшча, мы напісалі б, што пры Польшчы. Была б гэта іншая дзяржава, не варожая нам, была б там і адзначаная. Але і прэзідэнт кажа, што ў нас адзіная гісторыя. Каму там вочы коле, я не ведаю, герб Расійскай імпэрыі? Ён што недарэчны ці што? Мне падабаецца. Мне падабаецца ўсё, што справядліва.

Мне не падабаюцца кітайская іерогліфы, якія на кожным рагу, і ніхто не ведае што яны абазначаюць. Мне не падабаецца, што ў нас у Мінску ўсё на англійскай мове напісана. Мы проста абавязаныя ведаць сваю гісторыю. Гэта і прэзідэнт сказаў. Мы павінны глыбока ведаць карані, адкуль мы», — кажа Міхаіл Смірноў.

Каледж у Відзах усталяваў ва ўласным двары помнік з расійскім двухгаловым арлом ФОТА

Алесь Дашчынскі, Радыё Свабода

0
меркаванне / адказаць
14.08.2019 / 12:03
Ляксандра, а што ты тут робіш, абразованы? Прыставілі абразовываць старшыя таварышы? Дык дарэмная справа- навязваць легенды і міты малаадукаваных саўкоў адукаваным беларусам.
0
Алесь Раткевіч / адказаць
15.08.2019 / 11:32
Дырэктару мабыць невядома з якой мэтай і па чыему загаду была адчыненая царом Аляксандрам вучэльня ў Відзах і ўвогулі ўсе вучэльні па ўсяму ВКЛ, захопленаму Расейскай імперыяй на прыканцы 18-га стагоддзя. Дые вось давожу да вашага ведама,ГОСПОДІН дырэктар,наступнае:   
0
Алесь Раткевіч / адказаць
15.08.2019 / 13:52
Чытайце...  Шляхта анэксаванага ВКЛ не змірылася і паўстала супраць акупантаў.Узначальваў паўстанцаў Тадэўш Касцюшка.Але ўсе намаганні паўстанцаў па адраджэнню Рэчы Паспалітай былі дарэмнымі. Раз’юшаная шляхецкай нязгодай, Кацярына ІІ кінула на іх казацкія палкі,якія жорстка расправіліся са слабаўзброенымі ўдзельнікамі.Паўстанне хутка было задушана.    Пасля гэтых падзеяў адбыўся трэці (і апошні) падзел Рэчы Паспалітай.         Расейская  імператрыца  напісала Указ аб тым, што захопленыя землі лічыць як Расейскімі заходнімі і называць іх Белай Руссю,а жыхароў яе- Беларусамі.  Той Указ утрымліваў яшчэ і тое, што Белую Русь патрэбна тэрмтінова   запаланіць рускімі чыноўнікамі,рускімі папамі і рускімі настаўнікамі. Гэта для таго, каб насельніцтва гэтага краю забылася не толькі сваю мову,а увогуле хто яны такія і якой нацыі.Яна адмяніла існуючую на той час уніяцкую царкву,перавёўшы парафіян у праваславія. Касцёлы падвяргаліся ганенню. Ад таго часу пайшоў адлік двухсотгадовага панавання Расейскай імперыі ў нашай краіне.  Кацярына ІІ шчэдра ўзнагароджавала сваіх генералаў. Акрамя вайсковых узнагарод, яны ў выглядзе падарунка атрымоўвалі цэлыя паветы з маёнткамі і прыгоннымі сялянамі.    
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31