Даслаць навіну
Знайсці
12.08.2019 / 17:07

«Акадэмкніга» прапануе: кніжныя хіты гэтага лета

Кнігарня «Акадэмічная кніга» (пр.Незалежнасці, 72).

Віктар Марціновіч. Ноч

Павялічыць выяву

Віктар Марціновіч - празаік, мастацтвазнаўца (дысертацыя па віцебскім авангардзе і творчасці Марка Шагала); выкладае ў Еўрапейскім гуманітарным універсітэце ў Вільні. Аўтар раманаў на рускай і беларускай мовах ( «Параноя», «Сфагнум», «Мова», «Сцюдзёны вырай» і «Возера радасці»). Новы раман «Ноч» быў напісаны па-беларуску і ўпершыню выдаецца на рускай мове ў аўтарскім перакладзе.

«Ноч» — гэта і антыўтопія, і раман-травелог, і роман-гульня. Свет занурыўся ў бясконцую халодную ноч. У свабодным горадзе Грушаўка вада па раскладзе, адзіная газета «Газета» перапісваецца пад капірку і не працуе компас. Галоўны герой Кніжнік - уладальнік адзінай у горадзе бібліятэкі і апошняга сабакі. Узяўшы карту новага свету і том Герадота, Кніжнік адпраўляецца на пошукі каханай жанчыны, якая ў момант блэкаўту апынулася ў Непале…

Віктар Марціновіч. Сфагнум

Павялічыць выяву

Трое маладых злачынцаў забіваюць падзельніка і губляюць чужыя грошы, якія цяпер давядзецца вяртаць любой цаной. Яны вырашаюць залегчы на дно ў маленькай вёсцы, ратуючыся і ад крэдытораў, і ад крымінальнага вышуку. I ўсё пайшло б паводле задумы, калі б не знешне паўмёртвая беларуская веска з яе неўміручай паганскай містыкай, якая падказвае нечаканае развязанне праблемы. Героі за паўкроку ад шчаслівага фіналу, але ці не зарана глядзець у неба, калі пад нагамі — багна.

«Наша гісторыя» №7

Павялічыць выяву

15 жніўня 2019 года спаўняецца 250 гадоў з дня нараджэння Напалеона Банапарта — чалавека, які пакінуў велізарны след у сусветнай гісторыі. Пра незвычайныя наступствы тагачаснай напалеонаманіі піша кандыдат гістарычных навук Дзяніс Лісейчыкаў. Ён знайшоў дзень і месца, калі ў Беларусі ўпершыню дзіця ахрысцілі Напалеонам і колькі такіх дзяцей усяго было.

Гэтым разам герой вокладкі — Андрэй Грамыка, самы ўплывовы беларус СССР.

З іншага — 

хто і як бамбіў беларускія гарады ў вайну: праўда і міфы. 

Вампір пад Лепелем: як у 1845 годзе сяляне з Акуліна раскапалі магілу і адсеклі галаву суседа Ларкі Пабойні.

Жывая і мёртвая. Дзве жонкі князя Януша Радзівіла на адным партрэце — расказвае мастацтвазнаўца Надзея Усава.

Ад Pingwina да «Белага полюса»: беларуская гісторыя марозіва. Расказвае доктар гісторыі Аляксандр Белы.

Польская вёска на беразе Басфора — з гісторыяй больш чым у паўтара стагоддзя. Піша гісторык Сяргей Егарэйчанка.

«Халера ясная!» Хвароба, якой мы не баімся, але часта ўспамінаем. Піша гісторык Андрэй Вашкевіч.

А ў рубрыцы «народы Беларусі» кандыдат гістарычных навук Юрый Унуковіч гэтым разам апавядае пра літоўцаў усходу Беларусі.

Артыкул Ганны Севярынец: чаму пасварыліся Міцкевіч і Пушкін.

Першыя аўтамабілі Беларусі — аматары аўтагісторыі знойдуць сабе сваё.

І ўжо традыцыйна на радасць дзецям і падлеткам — коміксы.

Антуан дэ Сент-Экзюперы. Маленькі прынц. Пераклад Ніны Мацяш

Павялічыць выяву

 «Маленькі прынц» — філасофская казка, у якой чытач любога веку знойдзе тое, што адгукаецца яго душы. Яна выйшла ў 1943 годзе ў Нью-Ерку і з таго часу была перакладзеная больш як на 250 моў і выдадзеняа мільёнамі экзэмпляраў па ўсім свеце.

Адзін з найвядомейшых твораў сусветнай літаратуры прапануецца па-беларуску ў перакладзе Ніны Мацяш.

 

Андрэй Горват. Прэм'ера

Павялічыць выяву

Прэм'ера» заяўленая як «трагікамедыя ў дзвюх частках з антрактам». Яе героі дзейнічаюць не ў вясковых дэкарацыях, як было ў дэбютнай кнізе Горвата «Радзіва Прудок».

Ствараючы іранічную і лірычную «Прэм'еру», аўтар скарыстаўся сваім досведам працы ў Купалаўскім тэатры.

Павялічыць выяву

Гісторыя беларускай дзяржаўнасці. У 5 т. Т. 4. Беларуская дзяржаўнасць напярэдадні і ў перыяд Вялікай Айчыннай вайны і пасляваеннага аднаўлення (1939-1953 гг.) / А. А. Каваленя [і інш.]; адк. рэд. тома Н. Б. Несцяровіч; Нац. акад. навук Беларусі, Ін-т гісторыі.

У чацвёртым томе раскрыта развіццё беларускай дзяржаўнасці ў перыяд ад верасня 1939 года да 1953 года. Асаблівая ўвага надаецца перыяду Другой сусветнай вайны.

Павялічыць выяву

История белорусской государственности. У 5 т. Т. 3. Белорусская государственность: от идеи к национальному государству (1917-1939 гг.) / А. А. Каваленя [і інш.]; адк. рэд. тома: В. Г. Мазец, Н. В. Смяховіч, С. А. Траццяк; Нац. акад. навук Беларусі, Ін-т гісторыі.

У трэцім томе «Гісторыі беларускай дзяржаўнасці» раскрытыя перадумовы, выяўленыя заканамернасці, разгледжаныя і ахарактарызаваныя этапы, формы, кірункі і асаблівасці працэсу станаўлення і развіцця беларускай нацыянальнай дзяржаўнасці ў кантэксце глабальных геапалітычных зменаў цягам 1917—1939 г.

Выданне разлічана на шырокае кола чытачоў: прафесійных гісторыкаў, выкладчыкаў ВНУ і сярэдніх школ, моладзь, рэкамендуецца для выкарыстання ў навукова-даследчай рабоце і навучальным працэсе.

Таксама ў «Акадэмкнізе» ёсць папярэднія тамы выдання.

У першым томе «Гісторыі» гаворка ідзе пра вытокі беларускай дзяржаўнасці ад старажытнасці да канца ХVIII ст., разгледжаныя і ахарактарызаваныя Полацкае княства (зямля), Тураўскае княства, Кіеўская Русь, Вялікае Княства Літоўскае, Рэч Паспалітая.

У другім томе вывучаецца дзяржаўна-прававы статус беларускіх зямель у складзе Расійскай імперыі. Тут разгледжаныя этапы фарміравання беларускай нацыі і нацыянальнай ідэі, апавядаецца пра палітыку расійскай дзяржавы ў дачыненні да беларускага народа, барацьбу беларускіх палітычных партый і арганізацый за рэалізацыю ідэі нацыянальнай дзяржаўнасці.

Севярын Квяткоўскі. Каларадская пушча

Павялічыць выяву

Сатыра, постапакаліпсіс, фэнтэзі — тры словы, якія характарызуюць раман «Каларадская пушча». 

Мінула трыццаць гадоў пасля глабальнай катастрофы. Сусветны акіян узняўся на 199 метраў. Менскае ўзвышша ператварылася ў архіпелаг. Менск падзяліўся калючым дротам і візавым рэжымам на ўласна Менск і Горад-Герой. Пасля катастрофы частка менчукоў перабралася на аддаленыя выспы, дзе ўтварыла горад Добрае Месца. Нечаканая небяспека вымусіла іх выправіць у Горад-Герой свайго выведніка на мянушку Дзікун. 

У хітразаплеценым сюжэце ўяўнай будучыні чытач можа ўбачыць сучасны Мінск і нават болей — сучасную краіну, на якім бы кантыненце яна ні была.

 

Лілія Ільюшына. Ключ дарог. Пачатак

Павялічыць выяву

На свеце ёсць месца, адкуль пачынаюцца ўсе шляхі і дарогі Сусвету. Той, хто валодае Ключом ад яго, можа абудзіць даўно паснулыя сцежкі ці назаўжды закрыць шлях да шчасця. Джым выяўляе ў сябе здольнасць кіраваць дарогамі, а ў свайго сябра — дар бачыць смерць. Яны выпадкова даведваюцца, што непрыемнасці ў іх мястэчку —- справа містара С., вядомага бізнесмена. Вось толькі як справіцца з ім, калі ён і ёсць Гаспадаром Дарог, да таго ж звязаным са старажытнымі ведзьмакамі?..

Набыць гэтыя ды іншыя новыя выданні і бестселеры, можна ў кнігарні «Акадэмічная кніга» (пр. Незалежнасці, 72).

 РУП «Акадэмічная кніга» УНП 101462648

NN.by

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31