Даслаць навіну
Знайсці
11.08.2019 / 12:07

«Прэтэнзій стала менш». У Гаазе разглядаюць пазоў расійскай кампаніі да Беларусі

29 ліпеня - 1 жніўня ў Гаазе ў Пастаяннай Палаце Трацейскага Суда (Permanent Court of Arbitration) прайшлі слуханні па справе расейскай кампаніі «Маноліум працэсінг» супраць Рэспублікі Беларусі. Рашэнне па справе можа быць прынятае праз 7-8 месяцаў. Пра гэта tut.by распавялі інфармаваныя крыніцы.

«Маноліум працэсінг» пабудавала ў Мінску тралейбуснае дэпо, але не атрымала за яго кампенсацыю. Як лічылі беларускія ўлады — з прычыны зрыву рэалізацыі інвестдамовы па ўзвядзенні ў цэнтры Мінска шматфункцыянальнага комплексу.

15 лістапада 2017 года «Маноліум працэсінг» апавясціў улады Беларусі аб арбітражы, і з гэтага моманту пачаўся арбітражны разгляд паміж расійскім інвестарам і Беларуссю. Сума пазову на той момант складала каля 200 млн долараў.

«Цяпер прэтэнзій сталі менш. Каля 150 млн даляраў. З іх больш за 30 млн - гэта само дэпо. Плюс працэнты за карыстанне сродкамі, страчаная выгада і гэтак далей», - сказала крыніца, знаёмая з адным з бакоў справы.

Іншы суразмоўца не пацвердзіў і не абверг гэтую інфармацыю, толькі сказаў, што «кожны бок выказаў свае аргументы і суд вырашыць, хто мае рацыю, а хто вінаваты». «Але якім бы не было рашэнне суду, кропка ў гэтай гісторыі, хутчэй за ўсё, не будзе пастаўленая. Перамога Мінска развяжа [Беларусі] рукі. Калі суд стане на бок расейцаў, то Мінск выставіць ім іншыя прэтэнзіі », - сказала крыніца.

Варта адзначыць, што Беларусь скарысталася дамовамі аб прававой дапамозе з Расіяй, што прывяло да выкліку кіраўнікоў «Маноліум працэсінг» Андрэя Далгова і Арама Екавяна ў МУС РФ на апытанне. На пытанні праваахоўнікаў аб прычынах нявыплаты падатку на нерухомасць у Беларусі ў 2013-2016 гадах бізнесмены растлумачылі, што лічылі карыстанне зямельнымі ўчасткамі ў Мінску, вылучанымі ў часовае карыстанне ў рамках інвестдамовы, правамерным. Абарона «Маноліум працэсінг» звярнулася з хадайніцтвам да арбітраў аб тым, што Беларусь не павінна прадпрымаць ніякіх дзеянняў па крымінальным кірунку да заканчэння арбітражу. Арбітры далі ўказанне бакам не прадпрымаць ніякіх дзеянняў, якія маглі б парушыць «цэласнасць» арбітражнага працэсу.

NN.by

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31