Знайсці
11.08.2019 / 10:28РусŁacБел

Супертайфун «Лекіма» ў Кітаі: загінулі 30 чалавек, эвакуіравана 1,2 мільёна

Колькасць ахвяр тайфуна «Лекіма», які абрынуўся на ўсходняе ўзбярэжжа КНР, вырасла да 30 чалавек, яшчэ 18 лічацца зніклымі без вестак. Такія звесткі падае ў нядзелю Цэнтральнае тэлебачанне Кітая.

Агулам трапічны цыклон парушыў нармальнае жыццё звыш 5,3 мільёна чалавек. З-за ўдару стыхіі ўлады былі вымушаныя эвакуіраваць у бяспечныя раёны больш за 1,2 млн чалавек. Залевы затапілі 185 тыс. га сельгасугоддзяў, моцнымі парывамі ветру пашкоджаныя каля 36 тыс. дамоў. Прамы эканамічны ўрон ацэньваецца ў $ 2,24 млрд.

Тайфун «Лекіма» абрынуўся на ўзбярэжжа правінцыі Чжэцзян ў раёне горада Вэньлін ў ноч з пятніцы на суботу. Хуткасць ветру ў эпіцэнтры складала каля 50 м/с. Цяпер трапічны цыклон паступова губляе сваю сілу і рухаецца на поўнач з хуткасцю каля 25 км/г. 

У раёне дэльты ракі Янцзы з-за тайфуну больш чым на суткі былі парушаны чыгуначныя зносіны, ва ўсім рэгіёне адмененыя або затрыманыя некалькі тысяч авіярэйсаў.

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера