Знайсці
08.08.2019 / 17:0317РусŁacБел

У парку на ўскрайку Салігорска збіраюцца будаваць храм. Гараджане супраць: і так шмат цэркваў!

У Салігорску ўлады прадставілі план забудовы мікрараёна №21. Акрамя жылых дамоў, школы і садка, там хочуць паставіць царкву. Многіх гараджан абурыла такое рашэнне.

Кафедральны сабор Салігорска, ілюстрацыйнае фота

«У нас у Салігорскім раёне ёсць 20 праваслаўных цэркваў, а ў самім горадзе — 8 культавых пабудоў. На адзін з сабораў, які будаваўся больш за 15 год, добраахвотна-прымусова выкачвалі грошы з вернікаў і не вернікаў. Таксама нядаўна ўзвялі царкву ля санаторыя «Бярозка». Потым пачалі будаваць царкву на вуліцы Набярэжнай — людзі былі супраць, складалі петыцыю, але ўсё роўна іх не паслухалі. Ёсць таксама царква ў мікрараёне «Чыжы». І акрамя гэтага яшчэ чатыры прыходы ў розных частках горада! — расказвае жыхарка Салігорска Наталля Трафімчук. —

І вось тут у новым мікрараёне вырашылі у лесапаркавай зоне вырубіць частку дрэваў і пабудаваць царкву. Восем мала, трэба яшчэ дзявятую! Пры гэтым паркаў, спартыўных пляцовак — па пальцах можна пералічыць. Ужо не кажучы пра бальніцы, паліклінікі, дзе няма апаратаў МРТ».

План мікрараёна №21. Ружовы прамавугольнік унізе — месца, дзе плануюць пабудаваць царкву.

Грамадскія абмеркаванні па плане забудовы мікрараёна будуць ісці да 12 жніўня. Гараджане ўжо стварылі петыцыю супраць будаўніцтва храма Свяціцеля Мікалая Цудатворца. Яе аўтары падлічылі, што ў Салігорску адзін праваслаўны прыход прыпадае на 20 тысяч насельніцтва, «што з'яўляецца найвялікшым паказчыкам ва ўсёй Беларусі». За дзень петыцыю падпісала больш за 370 чалавек.

Адказным за грамадскае абмеркаванне плана мікрараёна прызначаны намеснік кіраўніка аддзела архітэктуры і будаўніцтва Салігорскага райвыканкама, галоўны архітэктар горада Валянцін Стасюкевіч.

«Наша Ніва» звярнулася да яго з просьбай пракаментаваць забудову, але чыноўнік кінуў слухаўку.

НЛ

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера