Трэнер зборнай Расіі трапіў у расісцкі скандал. Апраўдаўся, але стала яшчэ горш
Старшы трэнер зборнай Расіі па валейболе Серджыа Бузата заявіў, што жэст, які ён прадэманстраваў пасля матчу са зборнай Паўднёвай Карэі ў алімпійскім кваліфікацыйным турніры, не быў абразлівым, піша sports.ru.
«Я не хацеў нікога пакрыўдзіць. Я вельмі здзіўлены, што мой жэст палічылі абразлівым. Я проста святкаваў выхад на Алімпіяду, якая пройдзе ў Японіі. <…>
Прыношу прабачэнні камандзе Паўднёвай Карэі, Федэрацыі валейбола Паўднёвай Карэі, заўзятарам. Я не хацеў пакрыўдзіць гэтую нацыю, мяне няправільна інтэрпрэтавалі», — сказаў Бузата.
Бузата пасля перамогі расіянак у матчы з Паўднёвай Карэяй паказаў вузкія вочы. Гэты жэст быў расцэнены Федэрацыяй валейбола Паўднёвай Карэі як расісцкі.
Прадстаўнікі федэрацыі маюць намер адправіць скаргі ў Міжнародную федэрацыю валейбола і ва Усерасійскую федэрацыю валейбола, каб дамагчыся пакарання Бузаты.
