Даслаць навіну
Знайсці
20.08.2019 / 00:15 11

Упершыню ў Мінску: сёння адкрываецца выстава, прысвечаная заснавальніку «Нашай Нівы» Івану Луцкевічу 

Павялічыць выяву

20 жніўня а 17.00 у Дзяржаўным літаратурным музеі Янкі Купалы адбудзецца адкрыццё выставы «У народ і край свой толькі веру». Праект падрыхтаваны да 100-годдзя з дня смерці знанага грамадскага дзеяча, палітыка, археолага Івана Луцкевіча, паведамляе прэс-служба музея.

Упершыню ў Беларусі ў межах асобнай выставы будзе адлюстраваны шлях Івана Луцкевіча, які з’яўляецца прыкладам самаахвярнага служэння сваёй Радзіме.

Старэйшыя браты Луцкевічы адыгралі важную старонку ў жыцці Янкі Купалы. Менавіта Іван і Антон Луцкевічы запрасілі паэта на працу ў рэдакцыю газеты «Наша Ніва», тым самым далучылі яго да беларускага руху. Малодшы брат Стэфан уратаваў ягонае жыццё, аказаўшы першую медыцынскую дапамогу, калі Пясняр учыніў спробу самагубства ў лістападзе 1930 года падчас сталінскіх рэпрэсій.

Зборы знакамітых слуцкіх паясоў, рыцарскія даспехі і іншыя рарытэты Івана Луцкевіча дазволілі заснаваць знакаміты «Беларускі музэй», фонды якога пасля расфарміравання ў пасляваенны час склалі аснову многіх музейных калекцый Беларусі і Літвы. У гэтым музеі ацалелі рукапісныя зборнікі Янкі Купалы «Паўлінка», «Сон на кургане», «Шляхам жыцця», яны таксама будуць прадстаўлены на экспазіцыі.

На працягу доўгіх гадоў Янка Купала падтрымліваў прыязныя кантакты з братамі Луцкевічамі, пра што сведчаць ліставанне, падпісаныя фотаздымкі, якія будуць прадстаўлены на выставе. Самі ж Луцкевічы першымі вызначылі паэта як прарока Беларускага Адраджэння.

У межах выставы будуць прадстаўлены матэрыялы са збораў Дзяржаўнага літаратурнага музея Янкі Купалы, Беларускага дзяржаўнага архіва-музея літаратуры і мастацтва, Грамадскай арганізацыі «Беларускі музей імя Івана Луцкевіча» (Вільня, Літва). Рэалізацыя праекта стала магчымай дзякуючы Пасольству Літоўскай Рэспублікі ў Рэспубліцы Беларусь.

Таксама на выставе ўпершыню будуць дэманстравацца асабістыя рэчы Івана Луцкевіча з прыватнага архіва сям’і.

20 жніўня ў межах адкрыцця выставы адбудзецца асвячэнне памятнага каменя на колішняй сядзібе Луцкевічаў у парку Янкі Купалы.

Вечар памяці Івана Луцкевіча завершыцца Святой Імшой у касцёле Святога Роха на Залатой горцы а 18.30.

Выставачны праект адрасаваны наведвальнікам розных катэгорый. Для арганізаваных груп пры папярэднім запісе будуць праведзены тэматычныя экскурсіі. Наведаць выставу можна да 11 верасня 2019 года.

* * *

У праграме святкавання юбілею ў Вільні:

16:00 Збор каля брамы на могілках Росы (Rasų g. 32), ускладанне кветак на магілу братоў Луцкевічаў, чытанні.

18:00 Святая Імша за Івана Луцкевіча ў беларускім касцёле Св. Барталамея на Зарэччы (Užupio g. 17).

NN.by

0
Гісторык / адказаць
20.08.2019 / 14:38
Быў Луцкевічам масонам ці не быў - не істотна.
Масоны таксама людзі.І сярод іх многа добрых.
І адназначна лепшых за Леніна, Сталіна, Суворава.
А тое, што Луцкевіч - герой беларускага народа, нэаспрэчна.
Таму яго памяць трэба шанаваць.
Вось толькі няма вялікага твора пра яго жыццё.
Зрэшты, пакуль няма. Анатоль Сідарэвіч некалі абяцаўся.
А можа хто з моладзі возьмецца?

1
Лявон Баршчэўскі / адказаць
20.08.2019 / 20:39
Гісторык,

Сувораў дакладна, а паводле некаторых зьвестак, і Ленін таксама былі масонамі! 
0
КРЕМЕНЬ / адказаць
20.08.2019 / 21:36
Рэд. Ну вядома, чалавек, які не ўмее па-беларуску ні пісаць, ні гаварыць, хоча выкарыстоўваць беларускамоўную пляцоўку, каб яе ж стваральнікаў і мяшаць з брудам. Сапраўды, заснавальнікі Нашай Нівы ў труне перавярнуліся, калі б пабачылі, якія чарнасоценцы плююць на справу іх жыцця.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31