Астраномы выявілі гіганцкую чорную дзірку з масай 40 мільярдаў Сонцаў
Астраномы выявілі чорную дзірку, чыя маса ў 40 мільярдаў разоў перавышае масу Сонца. Пра гэта паведамляе Science Alert са спасылкай на The Astrophysical Journal.
Artists drawing of a black hole. Illustration by NASA.
Гэтая чорная дзірка знаходзіцца ў цэнтры галактыкі Holmberg 15A, на адлегласці каля 700 мільёнаў светлавых гадоў, якая, у сваю чаргу, знаходзіцца ў цэнтры сукупнасці галактык Abell 85.
Гэты аб'ект — адна з самых вялікіх чорных дзірак, калі-небудзь знойдзеных, і самая вялікая з тых, што можна знайсці, адсочваючы рух зорак вакол яе. Але, вядома, не самая масіўная з выяўленых — гэта месца занята квазарам TON 618, які, відавочна, мае чорную дзірку ў 66 мільярдаў разоў большую за масу Сонца (калі грунтавацца на ўскосных вымярэннях).
Знойдзеная чорная дзірка мае масу 40 ± 8 мільярдаў сонечных — гэта найбольшае значэнне, атрыманае на аснове кінематыкі зорак, а не зыходзячы з ускосных заканамернасцяў.
Пры такой масе гарызонт падзей чорнай дзіркі (таксама вядомы як радыус Шварцшыльда) будзе велізарным — каля 790 а.а.
Навукоўцы працягнуць вывучэнне, каб паспрабаваць высветліць, як менавіта ўтварылася чорная дзірка.
