«Каменны Лог» пасля рэканструкцыі будзе прымаць у 3 разы больш машын

Прапускная здольнасць пункта пропуску «Каменны Лог» на беларуска-літоўскай мяжы пасля яго рэканструкцыі павялічыцца ў тры разы, паведамляе Дзяржаўны мытны камітэт.

Калі сёння прапускная здольнасць складае 2 тысячы аўтамабіляў, то пасля рэканструкцыі з 2020 года яна складзе 6 тысяч — 3,5 тысячы легкавых, 2,4 тысячы грузавых, 100 аўтобусаў.

У пункце пропуску ўпершыню будзе прадугледжана рэверсіўная канальная сістэма для афармлення транспартных сродкаў з 32 каналаў — па 16 у кожным кірунку.

У залежнасці ад колькасці транспартных сродкаў на ўезд або выезд з краіны, колькасць каналаў можна будзе змяняць па напрамках руху. Гэтая сістэма дазволіць зрабіць працу пункта пропуску больш зручнай.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0