Санкцыі з-за справы Скрыпалёў: ЗША папросяць міжнародныя арганізацыі не даваць Расіі крэдытаў
Дзярждэпартамэнт ЗША афіцыйна абвясціў аб увядзенні другога пакета санкцый супраць Расеі з-за справы Скрыпалёў. Яны набудуць моц пасля 17 жніўня і будуць дзейнічаць як мінімум год, паведамляе bbc.com.
У межах новага пакета санкцый Вашынгтон будзе выступаць супраць выдачы любога крэдыту, фінансавай або тэхнічнай дапамогі Расіі з боку міжнародных фінансавых арганізацый, такіх як Сусветны банк і Міжнародны валютны фонд.
Акрамя таго, санкцыі прадугледжваюць забарону амерыканскім банкам ўдзельнічаць у першасным продажы расейскай суверэннай пазыкі не ў рублях і выдаваць нерублевые пазыкі расейскім уладам.
ЗША таксама ўводзяць дадатковыя экспартныя абмежаванні для матэрыялаў, якія могуць падпадаць пад палажэнне аб нераспаўсюджванні хімічнай і біялагічнай зброі.
У выніку новых санкцый гандлёвыя сувязі Расіі і ЗША могуць скараціцца на мільярды даляраў.
Як адзначыла ў сваім «Твітэры» прэс-сакратар дзяржаўнага дэпартамента Морган Артагус, увядзенне новых санкцый абумоўлена тым, што Расія «не ўзяла на сябе адказнасць [за атручванне Скрыпалёў] і не адмовілася ад выкарыстання хімічнай зброі».
Новы пакет санкцый можа быць адменены пры ўмове таго, што Расія пад кантролем інспектараў гарантуе адмову ад выкарыстання хімічнай зброі і пагодзіцца выплаціць кампенсацыі пацярпелым ад атручвання.