Даслаць навіну
Знайсці
18.08.2019 / 11:08 28

Паніхіды оптам? Цэрквы прапануюць зніжкі за замовы на паўгода і год. Айцец Лепін: Калі святар адмовіцца адпець бясплатна, у яго будуць вялізныя праблемы

«У нас у Маладзечне ў Свята-Успенскай царкве паніхіду аб спачыне можна замовіць на год наперад. Пры гэтым за аптовую замову, як у найлепшых крамах, прадугледжаная зніжка. Так, аднаразовая ліція абыдзецца прыкладна ў 10 рублёў, ліція на паўгода — каля 45, на год — 90 рублёў. Ад чаго залежаць расцэнкі на паніхіду?» — з такім пытаннем звярнуўся да нас чытач з Маладзечанскага раёна, які пабачыў таблічку ў царкве з «сумамі рэкамендаваных ахвяраванняў».

Павялічыць выяву

Спачатку разбярэмся, што такое паніхіда і што будзе адбывацца ў царкве пасля таго, як вы заплаціце адпаведную суму.

Паніхіда — гэта асаблівая служба, якая служыцца пасля смерці чалавека. У праваслаўнай традыцыі паніхіда служыцца ў першы дзень пасля смерці, на трэці дзень, на дзявяты, саракавы. Падчас службы святар прамаўляе імёны памерлых, якія перадаюць яму ў запісках.

Калі чалавек замаўляе паніхіду на паўгода ці на год, імёны, якія ён указаў у запісцы, перапісваюцца ў асобны сшытак. І штодзень, цягам году, святар падчас ліціі (ліція — гэта скарочаная версія паніхіды) абавязкова прамаўляе імёны людзей, якія ўказаныя на запісках, расказаў «Нашай Ніве» айцец Мікалай, які служыць у Свята-Успенскай царкве ў Маладзечне.

«Такія запіскі можна пералічыць на пальцах, вельмі мала людзей, якія гатовыя адразу заплаціць 90 рублёў. І гэта няпраўда, што, як вы выказаліся, «оптам» замовіць малітву можна толькі па памерлых. Калі ласка, можаце напісаць запіску і аб здароўі», — патлумачыў айцец Мікалай.

Цэны ў цэрквах адрозніваюцца, але калі святар адмовіцца адпець бясплатна, у яго будуць вялізныя праблемы

Прэс-сакратар Беларускага экзархата РПЦ Сергій Лепін патлумачыў, што правільна гаварыць не пра «цэны», а пра «рэкамендаваныя памеры ахвяраванняў».

«Іх вызначае Епархіяльная рада, — кажа айцец Сергій Лепін, які і сам служыць у царкве ў Ракаве Валожынскага раёна. — І залежаць памеры ахвяраванняў ад мясцовасці, дзе размешчаная царква. Разлічваюцца ахвяраванні пры планаванні парафіяльнай эканомікі. Настаяцель царквы прагназуе, што вось у мяне ў гэтым годзе павінна адбыцца 20 хрэсьбін, 2 вянчанні і 25 пахаванняў. Сыходзячы з гэтага, вызначаецца прыкладны памер ахвяраванняў. Чым далейшая царква ад горада, чым меншы прыход, тым кошты там будуць таннейшыя. Уплывае на кошты ахвяраванняў і эканамічная сітуацыя краіны ў цэлым. Але памеры ахвяраванняў залежаць не толькі ад эканомікі, але і ад культуры людзей. У людзей розныя ўяўленні пра ахвяраванні, але чалавек нашай культуры такі: пакуль сам не папросіш, ніхто табе грошай не дасць», — расказвае святар.

Сергій Лепін удакладняе, што плаціць за тыя ж паніхіды зусім неабавязкова.

«Зразумела, што ў людей бывае розная фінансавая сітуацыя. І патрабаваць ахвяраванні царква не мае права. Больш за тое, калі вам вядомыя факты, што святар адмаўляецца ехаць на адпяванне праз тое, што ў чалавека няма магчымасці заплаціць, гэта сур'ёзная падстава для таго, каб у дачыненні да гэтага святара прыняліся самыя суровыя меры.

І пра такія паводзіны святара абавязкова трэба расказваць», — падсумаваў Сяргей Лепін.

У мінскіх цэрквах такога «прайсу», як правіла, не вывешваюць. У цэрквах проста вісяць дапаможнікі, як правільна падаваць запіскі.

Павялічыць выяву

У царкве ў Вілейцы таксама спіса цэн на паслугі вы не ўбачыце. 

Павялічыць выяву

Як расказала «Нашай Ніве» работніца царквы, яна вусна заўсёды расказвае, што Саракавуст, напрыклад, будзе каштаваць 5 рублёў.

«На паперцы я пазначаю, на колькі чалавек замаўляе малітву: на раз, ці на паўгода, ці на год. За той час, пакуль я працую ў царкве, да мяне тройчы прыходзілі людзі і казалі, што за здароўе больш маліцца не трэба, бо чалавек паміраў. А бацюшка пра гэта ж павінен ведаць, бо ўсе імёны ў яго запісаныя ў адмысловым сшытку. Калі замаўляюць на год паніхіду, кажам, што будзе каштаваць 50 рублёў, але калі чалавек заплаціць не можа, то ўсё адно прымаем такія запіскі», — распавялі ў царкве. 

Наталля Тур

0
litwin / адказаць
28.09.2019 / 23:05
чытаем  : "
Антырэстаўрацыя Маскоўскага патрыярхата — перабудова праваслаўных храмаў Беларусі, якая набыла масавы характар пасля актывізацыі рэлігійнага жыцця ў 1990-х гг. Перабудовы характарызуюцца мэтанакіраваным насаджэннем пазалочаных купалоў-цыбулін, змяненнем аўтэнтычнага выгляду асобных архітэктурных элементаў, выкарыстаннем недапушчальных пры рэстаўрацыі будаўнічых матэрыялаў і мэтодык.

З 2010-х гг. антырэстаўрацыйная актыўнасць Беларускага экзархата Маскоўскага патрыярхата набыла беспрэцэдэнтыя маштабы, якую параўноўваюць з дзейнасцю Мураўёўва-вешальніка ў справе русіфікацыі Паўночна-Заходняга края.

Таксама для сучаснага храмабудаўніцтва Беларускай праваслаўнай царквы характэрна ігнараванне традыцый готыкі і барока, стыляў, у якіх беларускае праваслаўнае дойлідства дасягнула высокага ўзроўню архітэктурна-мастацкіх рашэнняў і нацыянальнай самабытнасці; нешматлікае і фрагментарнае выкарыстоўванне спадчыны народнай архітэктуры; прыярытэтная арыентацыя на рэтраспектыўна-рускі стыль, які развівае архітэктурныя традыцыі, не характэрныя для беларускага культавага дойлідства
0
litwin / адказаць
28.09.2019 / 23:06
чытаем : "Это с Сартаком (тоже несторианином) все было обговорено.....Ситуация быстро меняется и мало предсказуема, задействованы крупнейшие военные силы того времени: монголы, мусульмане, крестоносцы. И в 1261 году Берке с Александром и Кириллом открывают в Сарае Сарскую епархию. Теперь все христиане Золотой Орды (а среди кочевой знати практически все – несториане) становятся прихожанами "РПЦ", а несториане Золотой Орды..."
0
Еремей / адказаць
04.10.2019 / 18:00
Со слов одного верующего  из Брестской области,  освящение купленной машины  зависит   от количества кубиков двигателя.  Господи? Прости меня грешного, но когда  они насытятся? 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31