Беларускі распрацоўшчык мабільных гульняў трапіў у сусветны топ-10
Аналітычная платформа Sensor Tower апублікавала рэйтынг найлепшых сусветных распрацоўшчыкаў мабільных дадаткаў у другім квартале на аснове папулярнасці іх прадукцыі, піша dev.by.
Беларускі распрацоўшчык SayGames трапіў у топ-10 выдаўцоў па колькасці загрузак. Кампанія займае шостае месца ў агульным рэйтынгу. Карыстальнікі загрузілі яе каля 200 мільёнаў разоў у красавіку-чэрвені.
Беларускі распрацоўшчык заняў сёмае месца ў асобным рэйтынгу загрузак у App Store і Google Play.
SayGames — распрацоўшчык і выдавец мабільных гульняў Ultra Casual. Кампанія была зарэгістраваная ў Мінску на вуліцы Платонава ў маі 2018 года. Рэзідэнт ПВТ. Персанал — 14 супрацоўнікаў.
У красавіку SayGames выйшла на першае месца па колькасці загрузак сярод беларускіх кампаній. У мінулым месяцы гульні распрацоўшчыка загружалі 100 мільёнаў разоў. Прыбытак кампаніі ў ліпені перавысіў 100 тысяч даляраў.
У App Store ёсць 17 гульняў SayGames, 16 - у Google Play.
