Даслаць навіну
Знайсці
01.08.2019 / 11:23 1

У Моталі накрыюць 40 сталоў для гасцей фестывалю гастранамічных традыцый

У Іванаўскім раёне Брэсцкай вобласці 10—11 жніўня пройдзе X Міжнародны фестываль фальклору «Мотальскія прысмакі», паведамляе БЕЛТА.

«Юбілейны фестываль, таму рыхтуем шмат яркіх, відовішчных момантаў, творчых навінак. Да нас прыедуць творчыя калектывы і майстры, якія прадставяць сваю традыцыйную кухню з розных рэгіёнаў Беларусі, а таксама Расіі, Украіны, Польшчы, Ізраіля, Латвіі, упершыню — з Алжыра. Праграма вельмі насычаная, думаю, асабліва пацешыць першы дзень», — сказала кіраўніца аддзела культуры райвыканкама Валянціна Барадзінчык. Гандлёвыя і выставачныя рады ў Моталі расцягнуцца на сотні метраў, у гэтым годзе падалі заяўкі на ўдзел больш за 250 майстроў.

Пачнецца фестываль з касцюмаванага шэсця па вуліцах аграгарадка, да якога далучацца мясцовыя жыхары і госці. Працэсія фінішуе ля галоўнай сцэны. Там адбудзецца ўрачыстая цырымонія адкрыцця, выступяць творчыя калектывы Янаўскага раёна, Брэсцкай вобласці і іншых беларускіх рэгіёнаў.

У гэты час на пляцоўцы каля Мотальскага музея народнай творчасці адбудзецца прэзентацыя рэгіянальных абрадаў. Можна будзе даведацца, што сабой уяўляюць даўнія вясельныя звычаі, велікодныя, траецкія і іншыя. Затым гледачы змогуць паназіраць за ўдзельніцамі конкурсу Міс-краса «Мотальскіх прысмак», якія на дэфіле прадставяць фестывальны касцюм і традыцыйныя рэгіянальныя стравы. Таксама на гэтай пляцоўцы ў музычным баттлы сыдуцца гасцявыя калектывы.

Увечары запрашаюць на баль у Боны Сфорцы, паўдзельнічаць у майстар-класах і станцаваць мазурку, паланез, полькі. Аматараў эстраднай музыкі прыцягне open air. Завершыцца першы дзень свята маляўнічым феерверкам.

Цікавай будзе праграма і 11 жніўня. У прыватнасці, прадстаўнікі мясцовых органаў улады, замежных дэлегацый, навукоўцы і эксперты падчас навукова-практычнай канферэнцыі абмяркуюць магчымасці турызму як драйвера эканамічнага і культурнага развіцця рэгіёну. Фішкай другога дня стане вялікі стол Дружбы. Мясцовыя гаспадынькі па сваіх фірмовых рэцэптах прыгатуюць розныя стравы: з мяса, рыбы, гародніны, дэсерты, напоі. Чакаецца, што зоймуць пачастункі больш чым 40 сталоў.

Міжнародны фестываль «Мотальскія прысмакі» ўпершыню адбыўся ў 2008 годзе, з 2015-га ён праходзіць раз у два гады.

БЕЛТА

0
Заканаускi / адказаць
01.08.2019 / 12:06
Шкада, мовы беларускай не пачуць
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31