«Бі-2» пакажуць у Мінску шоу з «дапоўненай рэальнасцю»
Гурт з беларускімі каранямі выступіць у Мінску 6 чэрвеня 2020 года з грандыёзным шоу NewBEST. Канцэрт пройдзе на стадыёне «Дынама». На гэтай пляцоўцы «Бі-2» будуць выступаць упершыню і чакаюць рэкордную колькасць гледачоў - 35 000 чалавек.
На канцэрце прагучаць як новыя песні «Бі-2» з альбома «Гарызонт падзей», так і ўсе галоўныя хіты.
На «Дынама», кажуць арганізатары, будзе ужыты новы падыход да прасторы канцэртнай пляцоўкі. Межы сцэны будуць размытыя, кожны глядач будзе залучаны ў шоу, стане яго неад'емнай і важнай часткай у рэжыме «дапоўненай рэальнасці».
Арганізатары пэўныя, што шоу NewBest стане адной з самых значных музычных падзей наступнага года, таму квіткі рэкамендуюць набываць загадзя.
Ад 26 ліпеня абмежаваная партыя квіткоў паступіла ў продаж па спецыяльнай цане.
