Даслаць навіну
Знайсці
24.07.2019 / 14:20 22

Зірніце, у якой кватэры жыве новы прэм'ер-міністр Брытаніі ФОТЫ (і яго каханкі)

Павялічыць выяву

Новы прэм'ер-міністр Брытаніі Барыс Джонсан і яго каханка купілі ўтульны домік у зацішным кутку Лондана. Гэта здарылася зусім нядаўна, бо суседзі расказалі журналістам газеты «Дэйлі мэйл», што 31-гадовая Кары Саймандз на мінулым тыдні разам са сваёй мамай завозіла туды мэблю. 

Павялічыць выяву

Так выглядалі інтэр'еры дома на момант продажу.

Трохпавярховы дом у віктарыянскім стылі з відам на парк у паўднёвай частцы Лондана каштаваў 1,3 млн фунтаў стэрлінга (гэта каля 3,3 мільёна беларускіх рублёў). Яго плошча складае каля 185 квадратаў, у ім чатыры спальні плюс вялікая гасцёўня.

Павялічыць выяву

Павялічыць выяву

Павялічыць выяву

Так выглядалі інтэр'еры дома на момант продажу.

Павялічыць выяву

Так выглядаў дворык дома на момант продажу.

Цікава, што палітычныя праціўнікі Джонсана зрэагавалі імгненна: у навакольным парку нехта развешаў плакацікі з надпісам «Як суседа мы яго перацерпім, але як прэм'ер-міністра — ні за што!»

Павялічыць выяву

У навакольным парку нехта развешаў плакацікі з надпісам «Як суседа мы яго перацерпім, але як прэм'ер-міністра — ні за што!»

55-гадовы Джонсан адметны сваім нестандартным стылем паводзін, які выбіваецца з кансерватыўнай традыцыі ўласнай партыі. Яго ненавідзіць еўрапейскі істэблішмент — ён быў адным з матораў Брэкзіту, затое яго цэніць прэзідэнт ЗША Дональд Трамп. 

Павялічыць выяву

Людзі ў квартале, мякка кажучы, не ў захапленні ад новага суседа, бо адчуваюць, што гэта адаб'ецца на іх спакоі. Гэта ў Беларусі жыхары радуюцца, што ў іх на вуліцы з'явіцца якасны асфальт, чыстыя кантэйнеры для смецця і прыгожыя клумбы, калі туды пераселіцца старшыня райвыканкама, у Лондане ўсё гэта і так ёсць ва ўсіх.

Джонсан развёўся са сваёй папярэдняй, другой жонкай год таму пасля 25 гадоў шлюбу і сышоўся з нашмат маладзейшай за яго Кары Саймандз.

Дом, у якім Джонсан жыў разам з другой жонкай, яны цяпер прадаюць, просяць за яго 3,75 мільёна фунтаў.

Павялічыць выяву

Жанчына Джонсана на 24 гады маладзейшая за яго.

З Саймандз яны да таго жылі на здымнай кватэры. У мінулым месяцы суседзі там выклікалі паліцыю, бо пачулі скандал і крыкі. Ахоўнікі парадку былі нямала здзіўленыя, калі ў кватэры знайшлі кандыдата ў прэм'еры.

У Джонсана ці то пяць, ці то шэсць дзяцей ад некалькіх жанчын, прычым дзіця ад другой жонкі нарадзілася праз сем тыдняў пасля разводу з першай, а падчас другога шлюбу нарадзілася яшчэ і пазашлюбнае дзіця, а можа быць, і двое. Джонсан намагаўся забараніць СМІ публікаваць артыкул пра сваю пазашлюбную дачку, але суддзя пастанавіў дазволіць публікацыю з фармулёўкай: «людзі маюць права ведаць пра яго неразважлівыя паводзіны». Вось такі кансерватар стаў новым кіраўніком Брытаніі.

Сямён Цыбульскі, фота «Дэйлі мэйл»

1
Максим Дизайнер / адказаць
25.07.2019 / 14:12
Кани Вест. Голддига. Медведь из кустов. Я просто оставлю это здесь.
0
Лит. / адказаць
25.07.2019 / 18:13
Вообще то он теперь переедет на Даунинг стрит...
0
Vic / адказаць
26.07.2019 / 01:19
Зато его невозможно скомпрометировать. Путин в расстройстве.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30