У Вярхоўную Раду Украіны ўпершыню абралі цемнаскурага дэпутата

28-гадовы прызёр Алімпійскіх гульняў 2016 года ў Рыа-дэ-Жанейра па грэка-рымскай барацьбе Жан Белянюк стане першым цемнаскурым дэпутатам у гісторыі Украіны. Ён праходзіць у Вярхоўную Раду па спісе партыі «Слуга народа», заснаванай прэзідэнтам Уладзімірам Зяленскім.

Спартсмен быў 10-м нумарам у яе спісе.

Барэц нарадзіўся ў Кіеве. Яго бацька загінуў у Руандзе падчас грамадзянскай вайны. Спартсмена выгадавала маці-ўкраінка.

Падчас перадвыбарчай кампаніі Белянюк заяўляў, што не збіраецца цалкам сыходзіць са спорту ў палітыку. Ён рыхтуецца да ўдзелу ў Алімпіядзе ў Токіа, якая пройдзе ў 2020 годзе.

View this post on Instagram

✌

A post shared by Beleniuk Zhan (@zhanbeleniuk) on Jun 7, 2019 at 3:01am PDT

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0