Даслаць навіну
Знайсці
22.07.2019 / 10:39 8

Украінскі дэпутат, які апекаваўся беларусамі-добраахвотнікамі, трыумфальна пераабраўся ў Раду

Павялічыць выяву

Ігар Гузь, дэпутат ад Валыні (справа), і беларус-добраахвотнік.

Партыя прэзідэнта Уладзіміра Зяленскага трыумфуе: яна забірае абсалютную большасць дэпутацкіх месцаў і зможа сфарміраваць урад без кааліцыі і без патрэбы абапірацца на «самавысуванцаў» — незалежных кандыдатаў.

У мажарытарных акругах кандыдаты ад «Слугі народу» выйграюць 128 з 199 месцаў, а ўсяго прэзідэнцкая партыя атрымае 251 з 424 мандатаў.

Паводле партыйных спісаў абіраецца 225 дэпутатаў, яшчэ 199 праз мажарытарную сістэму. 26 дэпутацкіх месцаў застаюцца вакантныя: гэта акругі акупаваных Крыма і ўсходняга Данбаса.

А яшчэ праходзіць у парламент з вядомых у Беларусі людзей?

На Валыні перамагае Ігар Гузь, які апекаваўся беларусамі-добраахвотнікамі з тактычнай групы «Беларусь» і атрада «Пагоня». Гузь, паводле папярэдніх вынікаў, набірае 59% галасоў. Гэта трыумфальны вынік — адзін з самых высокіх вынікаў па ўсёй Украіне. Гузь пачынаў палітычную кар'еру з нацыяналістачнай моладзевай суполкі «Нацыянальны альянс», а ў 2014 годзе абраўся ў парламент ад Народнага Фронту Арсеня Яцанюка. Сёлета ён ішоў у Вярхоўную Раду як самавылучэнец. Ва ўмовах, калі ў парламенце прысутнасць нацыяналістаў будзе мінімальная, Гузь можа стаць голасам правых сіл у Радзе. Ягоная папулярнасць у акрузе тлумачыцца карпатлівай працай з выбарцамі. Гузь шмат рабіў на нізавым узроўні для гарадоў і вёсак і за сваю кадэнцыю аб'ехаў усе населеныя пункты акругі.

У Кіеве спрабаваў абрацца ў Раду былы пасол Украіны ў Беларусі Раман Бяссмертны. Ён ідзе 4-м з 30 кандыдатаў, а набірае каля 12% галасоў. Ва ўсіх акругах Кіева перамагаюць кандыдаты ад «Слугі народу».

12% набірае ў іншай акрузе Кіева і вядомы ўкраінскі журналіст Сяргей Лешчанка. Гэта 3-е месца ў акрузе. У мінулую Раду ён абраўся па спісе Блока Пятра Парашэнкі, але з часам стаў яго зацятым крытыкам і гэтым разам балатаваўся як незалежны кандыдат. Іншы журналіст, Мустафа Наем, у Раду гэтым разам не ішоў.

Пакінуць дэпутацкія крэслы колішні кіраўнік «Правага сектара» Дмытро Яраш і камандзір «Азова» Андрэй Білецкі. Яны балатаваліся па спісе «Свабоды», які набірае 2,3% галасоў і не адольвае 5-працэнтавы бар'ер. Ад «Свабоды» пакуль праходзіць толькі адзін дэпутат-мажарытарнік.

Наступныя выбары, якія па графіку маюць прайсці ў 2024 годзе, маюць адбыцца цалкам па партыйных спісах. Гэтага даўно дабівалася грамадзянская супольнасць Украіны, каб пазбыцца бізнэсоўцаў-мажарытарнікаў, якія мелі празмерны ўплыў на ўкраінскую палітыку.

У выбарчым спісе «Еўрапейскай салідарнасці» ў Раду праходзяць два лідары крымскіх татар — народа, які не прыняў анексіі Крыма Расіяй і захоўвае вернасць Украіне. Гэта Мустафа Джэмілеў і Ахтэм Чыйгоз.

«Слуга народа» займае цэнтрысцкія пазіцыі на ўкраінскай палітычнай сцэне. Дзве найбольш праеўрапейскія і пранацыянальныя сілы — гэта «Еўрапейская салідарнасць» і «Голас».

* * *

Удакладненне. У ранейшай версіі артыкула тактычная група памылкова была названая «Пагоня», а атрад не ўзгадваўся.

Мікола Бугай; фота са старонкі Ігара Гузя ў фэйсбуку

20
Serg / адказаць
22.07.2019 / 17:33
Белорусские нацики не дружат с головою.
10
Alex Doc / адказаць
22.07.2019 / 18:00
ахах))) "Триумфально"
18
Брыдкая пачвара / адказаць
22.07.2019 / 18:14
А ,што азначае апекваўся? Пэўна, хлопцы стаялі перад участкамі з аўтаматамі і бітамі. Там у, хто галасаваў правільна 2 кг грэчкі, а хто неправільна тумакоў за вуглом!?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31