Зяленскі жартам ацаніў вынікі парламенцкіх выбараў
фота прэс-службы партыі «Слуга народа»
Прэзідэнт Украіны Уладзімір Зяленскі ў штаб-кватэры партыі «Слуга народа» пракаментаваў першыя вынікі галавасання на выбарчых участках на пазачарговых парламенцкіх выбарах. «Слуга народа» набірае каля 44%.
Зяленскі падзякаваў украінцам за выбар.
«73% (73,22% галасоў выбаршчыкаў, якія атрымаў Зеленскі падчас другога тура прэзідэнцкіх выбараў) было лепш, але мы ўдзячныя, і, шчыра кажучы, я і кожны з нас, мы ўдзячныя народу Украіны за іх падтрымку», — сказаў ён.
Украінскі лідар сказаў, што сёння партыі могуць адпачыць, але з заўтрашняга дня іх чакае сур'ёзная праца.
Таксама Уладзімір Зяленскі зноў запрасіў лідара «Голаса», вакаліста «Акіяна Эльзы» Святаслава Вакарчука да сумеснай працы.
«Калі вы памятаеце, наша ініцыятыва спадару Вакарчуку была вядома з самага пачатку маёй прэзідэнцкай кампаніі, таму, калі ласка, у нас крыху больш высокі рэйтынг, чым «Голаса», але мы запрашаем да размовы пана Вакарчука з вялікім задавальненнем», — заявіў Зяленскі.
