МЗС Украіны: Орбан імкнецца стварыць анклаў на Закарпацці
Канчатковая мэта палітыкі прэм'ера Венгрыі Віктара Орбана — стварэнне венгерскага анклава на тэрыторыі Украіны. Пра гэта заявіў выканаўца абавязкаў кіраўніка Міністэрства замежных спраў краіны Ягор Бажок.
«Ускладненні ва ўкраінска-венгерскіх адносінах паходзяць не з Украіны. Асноўная праблема — так званы венгерскі ірэдэнтызм, які засляпіў прэм'ер-міністру Венгрыі Віктару Орбану і яго паплечнікам», — паведамляе словы Бажка «Голас Амерыкі».
Паводле яго слоў, у апошнія гады гэта стварае праблему не толькі для Украіны, але і для шэрагу краін-членаў Еўрасаюза.
«Кіеў не згодны з канчатковай мэтай палітыкі ірэдэнтызму ўрада Орбана, а менавіта са стварэннем венгерскага анклава на тэрыторыі Украіны. Гэта тое, чаго яны дамагліся ў Сербіі, і чаму процідзейнічаюць Славакія і Румынія», — дадаў ён.