У Лагойскім раёне прапала 15-гадовая раварыстка
Лагойскі РАУС шукае 15-гадовую Галіну Верамійчык, жыхарку Малых Нястанавічаў, паведамляе абласная міліцыя.
Яна 17 ліпеня ў 17.25 з'ехала з Крайска ў Малыя Нястанавічы на ровары і яе месцазнаходжанне не ўстаноўлена.
Прыкметы: на выгляд 14-16 гадоў, рост 150-155 см, хударлявага целаскладу, вочы светла блакітныя, валасы прамыя светлыя доўгія, памер ног 35-36.
Была апранута: джынсы светла-сіняга колеру, балеткі без шнуроўкі бэжавага колеру, байка чорнага колеру з малюнкам чалавека чырвонага колеру, майка светла-бірузовага колеру з арнаментам наперадзе.
Пры сабе мела: дарожны ровар «Аіст» цёмна-сіняга колеру, верхняя рама пераматаная паралонам і чорнай ізастужкай.
Міліцыя просіць грамадзян, якім што-небудзь вядома пра абставіны знікнення ці месцазнаходжанне дзяўчынкі, патэлефанаваць у лагойскі РАУС па тэлефонах: + 375-44-786-42-25, + 375-33-346-53-98, 8-01774-78927, 8-01774-78459.
