Знайсці
18.07.2019 / 03:298РусŁacБел

Зяленскі адрэагаваў на апошнія дзеянні Пуціна і заклікаў больш актыўна раздаваць украінскія пашпарты

Прэзідэнт Украіны Уладзімір Зяленскі даручыў Міністэрству замежных спраў распрацаваць механізм давання ўкраінскага грамадзянства як другога этнічным украінцам з дружалюбных краін, а таксама іншаземцам, чые правы і свабоды на іх радзіме парушаныя.

«Офіс Прэзідэнта Украіны з сумам і абурэннем сустрэў навіну пра падаўжэнне арышту 24 украінскім маракам, а таксама падпісанне прэзідэнтам Расійскай Федэрацыі ўказа аб спрошчаным парадку давання ўкраінцам расійскага грамадзянства. Мы разумеем, што ён накіраваны на нашых грамадзян, якія вымушаныя пражываць на часова акупаваных тэрыторыях», — гаворыцца ў паведамленні.

«Са свайго боку прэзідэнт Украіны даручае МЗС распрацаваць механізм давання ўкраінскага грамадзянства як другога для этнічных украінцаў з дружалюбных нам краін, якія імкнуцца далучыцца да развіцця сваёй гістарычнай радзімы. Таксама Уладзімір Зяленскі даручае распрацаваць механізм спрошчанага давання ўкраінскага грамадзянства людзям, якія пакутуюць ад парушэння правоў і свабод у сваіх краінах», — гаворыцца ў паведамленні.

Нагадаем, прэзідэнт Расіі Уладзімір Пуцін 17 ліпеня спрасціў атрыманне грамадзянства Расіі для ўсіх жыхароў Данецкай і Луганскай абласцей. Раней спрошчаны парадак дзейнічаў толькі для жыхароў так званых «ДНР» і «ЛНР».

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031