Даслаць навіну
Знайсці
17.07.2019 / 14:22 16

Пасля перапісу насельніцтва могуць змяніць адміністрацыйна-тэрытарыяльны падзел Беларусі

Пасля перапісу насельніцтва адміністрацыйна-тэрытарыяльны падзел Беларусі можа быць перагледжаны. Аб гэтым паведаміў сёння журналістам міністр эканомікі Беларусі Дзмітрый Круты на VI Форуме рэгіёнаў Беларусі і Расіі, перадае карэспандэнт БелТА.

«З мінулага года ў краіне вельмі сур'ёзна пачала падымацца тэма нашага рэгіянальнага развіцця. Парламентарыі атрымалі заданне, пакуль папярэдняе, разгледзець аж да адміністрацыйна-тэрытарыяльнага падзелу рэспублікі, які апошні раз быў зафіксаваны ў 1960-я гады і сёння з улікам развіцця, урбанізацыі, дэмаграфіі, міграцыі, зразумела, мае патрэбу ў пэўных карэкціроўках. Тут мы ў першую чаргу чакаем вынікаў перапісу насельніцтва, які адбудзецца ў канцы года», — сказаў Дзмітрый Круты.

У пытанні рэгіянальнага развіцця асаблівая ўвага будзе нададзена гарадам з насельніцтвам больш за 80 тыс. чалавек. «Мы павінны прапанаваць асаблівы прэферэнцыйны пакет, паглядзець, як гэтыя тэрыторыі будуць развівацца», — адзначыў кіраўнік ведамства.

Міністэрства эканомікі, паводле яго слоў, таксама цесна працуе з раёнамі з цяжкім сацыяльна-эканамічным становішчам. «Орша ў нас пілот — ёсць указ, ёсць праграма. Мы вельмі ўважліва ўсё гэта штомесяц маніторым, і недзе восенню ў прэзідэнта адбудзецца вялікая нарада па разглядзе гэтых пытанняў. Такіх тэрыторый па методыках і паказчыках у нас выдзелена каля трыццаці, таму мы будзем глядзець, што для іх можна прапанаваць», — заўважыў Дзмітрый Круты.

Ён расказаў, што ў Беларусі вывучалі досвед іншых краін па развіцці невялікіх гарадоў — няма ўніверсальнага рэцэпта, кожная дзяржава ідзе сваім шляхам. «Мы вывучалі досвед краін Еўрасаюза: Вялікабрытаніі, Германіі, скандынаўскіх краін. Кожная краіна па-свойму вырашае праблему тэрыторый, дзе эканамічнае развіццё адстае ад сярэдняга», — сказаў міністр.

БелТА

4
Опт / адказаць
17.07.2019 / 21:17
Бобруйскую, Мозырьскую, Пинскую, Молодечненскую и Барановичскую.
3
Алег С. / адказаць
17.07.2019 / 22:38
дзядзька Віталь, усімі рукамі і нагамі супраць, Ворша - наша ўсё!!! 
3
litvin Babrujskaha pavietu / адказаць
17.07.2019 / 23:20
Вобласьці  ліквідаваць, падзяліць па паветах
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31