Twitter прымусова перавядзе карыстальнікаў на новую версію сайта

Амаль праз год пасля пачатку тэставання, твітар зробіць новы дызайн абавязковым для ўсіх карыстальнікаў. Цяпер у вас не будзе магчымасці вярнуць стары дызайн Twitter, піша Mashable.

Твіты ўсё яшчэ нельга будзе рэдагаваць.

Новы дызайн з'явіцца ў карыстальнікаў на працягу некалькіх дзён.

Асноўная навігацыя сайта цяпер знаходзіцца ў левай частцы старонкі, дзе вы можаце перамяшчацца паміж часовай шкалой, апавяшчэннямі і прамымі паведамленнямі. Раздзел трэндаў перамясціўся ў правы слупок; укладка «моманты» больш не існуе.

Мадэрнізаваны Twitter мае некалькі розных каляровых схем, у тым ліку цёмны рэжым.

Абнаўленне дызайну сацыяльнай сеткі ўжо выклікала жорсткую крытыку некаторых карыстальнікаў.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0