Знайсці
15.07.2019 / 19:08РусŁacБел

Аварыя з грузавым саставам выклікала затрымку цягнікоў у бок Оршы

Затрымліваюцца цягнікі ў напрамку Оршы праз сход з рэек грузавога саставу. Пра гэта паведамляе блогер Nexta.

Фота: Nexta.

Паведамляецца, што некаторыя рэйсы затрымаліся ў дарозе, а адпраўленне электрычкі ў Мінск часова адкладаецца. Нібыта грузавы састаў сышоў з рэек недалёка ад горада Крупкі ў Мінскай вобласці.

Пазней на сайце БЧ з'явіўся афіцыйны каментар.

У 16:08 на перагоне Крупкі-Прыяміна сышлі 7 парожніх вагонаў. Усяго ў саставе цягніка знаходзіцца 89 вагонаў. Цягнік накіроўваўся па маршруце Орша-Мінск.

Пацярпелых няма. На экалагічную сітуацыю здарэнне не паўплывала.

У выніку інцыдэнту таксама адбыліся змены ў графіку руху некаторых пасажырскіх цягнікоў.

Так, цягнік міжрэгіянальных ліній бізнэс-класа №704 Мінск-Віцебск, адпраўленнем з Мінска ў 17 гадзін 04 хвіліны, ідзе змененым маршрутам праз Маладзечна, Полацк.

Цягнік міжрэгіянальных ліній эканомкласа №612 Баранавічы-Віцебск/Крычаў, адпраўленнем з Баранавіч у 15 гадзін 10 хвілін, ідзе змененым маршрутам ад станцыі Мінск-Пасажырскі праз Асіповічы, Магілёў.

Прычына здарэння высвятляецца. Для расследавання інцыдэнту створана спецыяльная камісія.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031