Апоўзень накрыў пляж у Адэсе. Ратавальнікі шукаюць пад зямлёй людзей
На марскім узбярэжжы побач з пансіянатам «Барэй» у Адэсе здарыўся апоўзень са схілу, ратавальнікі вядуць пошукавыя працы. Пра гэта паведамляе прэс-служба Дзяржаўнай службы па надзвычайных сітуацыях у Адэскай вобласці.
Адзначаецца, што паведамленне аб змяшчэнні глебы да ратавальнікаў паступіла ў 16:58 14 ліпеня.
«У 17:04 па прыбыцці пажарна-ратавальных падраздзяленняў было ўстаноўлена, што ўздоўж узбярэжжа ссунуўся грунт арыенціровачна на плошчы 200 кв. м», — сказана ў паведамленні.
Фота ДСНС Адэсы
Па дадзеных ДСНС, па стане на 21:35 ратавальнікі разам з камунальнымі службамі Адэсы абследавалі 70 кв. м. зруху, загінулых і пацярпелых не выявілі.
Фота ДСНС Адэсы
Паведамляецца, што ўначы пошукавыя работы былі прыпыненыя з-за магчымага паўторнага апоўзня са схілу і пагрозы траўміравання асабовага складу.
Для правядзення пошукавых работ было прыцягнута 11 адзінак пажарна-ратавальнай тэхнікі і 60 чалавек асабовага складу.
Фота ДСНС Адэсы
У ведамстве дадалі, што 15 ліпеня пошукавыя працы адноўленыя. На месцы здарэння працуюць спецыялісты ДСНС і камунальныя службы горада.
Пазней у ДСНС паведамілі, што пошукавыя працы, дзе адбыўся апоўзень, завершаны. Нікога не знайшлі.