Знайсці
15.07.2019 / 15:047РусŁacБел

Адвакатка, якую абвінавацілі ў захоўванні зброі, трапіла ў бальніцу

Адвакатка Вера Арэшка не прызнала віны ў выдаванні тайны следства і захоўванні зброі, паведаміў Радыё Свабода старшыня Мінскай гарадской калегіі адвакатаў Аляксей Швакаў напярэдадні чарговага пасяджэння працэсу над былым галоўным інжынерам МЗКЦ Галавачом.

Чытайце таксама: На адвакатку двойчы апраўданага інжынера МЗКЦ завялі справу. А пры ператрусе яшчэ і знайшлі пісталет

Паводле Швакава, цяпер Вера Арэшка, якая з'яўляецца ягонай намесніцай у кіраўніцтве калегіі адвакатаў, знаходзіцца на лячэнні ў бальніцы.

«Перажытае адбілася на яе здароўі. Але мы будзем ёй дапамагаць», — сказаў Аляксей Швакаў. Паводле яго, мера стрымання для Веры Арэшкі не прызначалася.

На адвакатку завялі справу за выдаванне тайны следства (арт. 407 КК) і за зброю (ч. 2 арт. 295 КК). Першы артыкул прадугледжвае як максімальнае пакараньне штраф або арышт, а па другім могуць асудзіць на 7 гадоў турмы з канфіскацыяй маёмасці.

Як сцвярджае ГУБАЗіК, жанчына раскрыла звесткі з крымінальнай справы трэцім асобам, калі прадстаўляла інтарэсы Андрэя Галавача, былога галоўнага інжынера Менскага заводу колавых цягачоў.

У час папярэдняга следства ў яе правялі ператрус і знайшлі пісталет вальтэр 1938 года, а таксама патроны да яго. Высветлілася, што зброя прыдатная да стральбы, а законных падставаў для валодання ёю жанчына не мае.

Калегія адвакатаў у сваю чаргу заявіла, што мае намер абараняць калегу. Генеральны пракурор Беларусі Аляксандр Канюк адзначыў, што завядзенне крымінальнай справы на адваката выклікала насьцярожанасць у яго як у суддзі.

Алег Груздзіловіч, Радыё Свабода

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031