Даслаць навіну
Знайсці
15.07.2019 / 13:26 6

«Яны сябравалі з дзяцінства». Што вядома пра двайное забойства ў Асіповічах

У асіповіцкім мікрараёне Чаромушкі знайшлі два трупы. Мужчыны былі застрэленыя ў ноч на 13 ліпеня.

Ахвяры былі сваякамі: дзядзька і пляменнік. Сяргею, старэйшаму, было 49 гадоў, яго пляменніку Антону — 26. Цела Сяргея знайшлі са звязанымі рукамі, піша блогер Нехта. Магчыма, у яго стралялі праз падушку, каб стрэл быў не такім гучным.

Павялічыць выяву

Малодшы з загінулых — 26-гадовы Антон.

Сяргей працаваў дворнікам у мясцовай школе-інтэрнаце. Яго пляменнік працы не меў, да таго ж быў раней судзімы.

Пачалі шукаць забойцу. Па мікрараёне позна вечарам хадзілі міліцыянты з фотаздымкам падазраванага, апытвалі мясцовых жыхароў, расказваюць людзі.

Як паведаміў Следчы камітэт, падазраванага ўсё ж затрымалі. Гэта 30-гадовы Раман Паўлюк, рабочы мясцовага завода.

Павялічыць выяву

Раман Паўлюк.

Мужчына вырас у праблемнай сям’і. Бацьку пазбавілі бацькоўскіх правоў, апекуном быў старэйшы брат Рамана. Пасля Раман паспеў ажаніцца — прычым змяніў сваё прозвішча Счасновіч, узяў прозвішча жонкі — Паўлюк. Пазней яны развяліся, але прозвішча Раман пакінуў.

«Я з ім так шчыльна зносін не падтрымлівала. Але, здаецца, нармальны хлопец, — распавяла «Нашай Ніве» ўдава брата Рамана. — Ці выпіваў? Ну… Як усе».

Апошнім часам Раман працаваў на заводзе транспартнага машынабудавання. Раней быў поварам у мясцовым рэстаране «Пралеска».

«Праблем з ім ніколі не было. Стаяў на выпечцы: беляшы, чэбурэкі, піцы. На працы не піў», — узгадалі ў рэстаране.

Апошнім часам Раман жыў ужо з іншай жанчынай, Інгай. Але літаральна тыдзень таму яны раз’ехаліся.

«У тую ноч мужчыны кампаніяй сядзелі ў Сяргея, дзядзькі. Быў дзядзька, яго пляменнікі Антон і Максім, а таксама Раман Паўлюк. Пасля схадзілі «за дагонам» у начнік. Раман здымаў кватэру — пайшлі да яго. Затым Раман чамусьці адправіў Максіма дадому. Засталіся Антон з дзядзькам», — кажа знаёмая Паўлюка.

Атрымліваецца, пасля трое мужчынаў ізноў вярнуліся ў хату Сяргея.

Туды раніцай і прыйшоў той другі пляменнік, Максім. Ён і знайшоў целы дзядзькі і брата, выклікаў міліцыю.

Пасля Рамана Паўлюка затрымалі. Пакуль што ён праходзіць па справе як падазраваны.

Сужыцелька Рамана кажа, што ніколі не бачыла зброі ў хаце. Стрэльбы ці пісталета ён не меў.

Сярод знаёмых Рамана ходзяць чуткі, што былі выкарыстаныя самаробныя кулі. Можа быць, і зброя была самаробнай?

Яшчэ адно пытанне — што стала прычынай забойства?

Знаёмыя Рамана і яго сужыцелька толькі паціскаюць плячыма: маўляў, пра нейкі канфлікт паміж мужчынамі яны не ведаюць.

«Раман таго дзядзьку паважаў. У яго б рука не паднялася такое зрабіць.

З Антонам яны сябравалі з дзяцінства. У Рамана маці памерла, з бацькам былі праблемы. Пэўны час тады Раман нават жыў у Антона калісьці. Маці Антона лічыў як за сваю.

Маці Антона нават сама цяпер кажа, што Раман на такое не мог пайсці», — распавяла «Нашай Ніве» знаёмая Рамана.

Павялічыць выяву

фота Следчага камітэта.

Улад Швядовіч

17
Алег80 / адказаць
15.07.2019 / 16:57
Групавы суіцыд не выключаны...
6
maha / адказаць
15.07.2019 / 19:38
тое, што ён быў разам з імі, яшчэ не доказ, што ён іх забіў. але забіў ці не, прызнанне з яго здабудуць, у нас умеюць.
2
Психиатр Ян / адказаць
15.07.2019 / 22:37
Кому-то органы пересадит, 100% вышку дадут если это он.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31