На выходных затрымалі за рулём двух п'яных супрацоўнікаў міліцыі

Пра гэта паведаміла афіцыйны прадстаўніца МУС Вольга Чамаданава. 

«Выходныя скончыліся, аднак інфармацыя пра стан дарожнай бяспекі пакідае жадаць лепшага, — напісала яна ў сваім тэлеграм-канале. — Кіраваць транспартнымі сродкамі п'янымі за рулём дазволілі сабе 173 чалавекі. Дзякуючы пільнасці Дзяржаўтаінспекцыі не дапушчана дарожных здарэнняў з сумнымі наступствамі».

«Статыстыку «п'яных рулёў» папоўнілі на выходных два «праваахоўнікі», якія знаходзіліся па-за службай. У сувязі з гэтым варта адзначыць: нягледзячы на ​​рангі, званні і заслугі, супрацоўнік органаў унутраных спраў, якога спынілі за рулём у стане алкагольнага ап'янення, адназначна будзе звольнены і панясе пакаранне ў адпаведнасці з Законам», — дадала яна.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0