Знайсці
12.07.2019 / 16:445РусŁacБел

Беларуса-джыхадзіста, вядомага як «Маджахед», забілі ў Сірыі? Насамрэч не

Нядаўна ў СМІ з’явілася інфармацыя пра смерць беларуса Данііла Ляшука, які некалі ваяваў ва Украіне ў батальёне «Тарнада».

Усё пачалося з таго, што на паўднёвым захадзе сірыйскага Алепа пры ўсталёўцы выбухной прылады падарваўся баявік, вядомы пад пазыўным «Аль-Такбір». Было вядома, што ён прыехаў ваяваць на баку ісламскіх радыкалаў у Сірыю з Украіны. Асоба загінулага не была ўстаноўлена.

Але ж ва Украіне быў свой «Аль-Такбір». Менавіта такое імя ўзяў сабе беларус Данііл Ляшук, таксама вядомы пад мянушкай «Маджахед».

Ураджэнец Брэста Ляшук прайшоў шлях ад правінцыйнага футбольнага фаната, які захапляўся рэпам, да жорсткага ісламіста з вопытам баявых дзеянняў. Ён з'ехаў з Беларусі ў расійскі Пецярбург, адтуль перабраўся ва Украіну.

З пачаткам вайны на Данбасе запісаўся ў добраахвотнікі і Ляшук. Ён ваяваў у батальёне «Тарнада», дзе набыў вядомасць праз сваю жорсткасць. Затым Ляшук захапіўся радыкальным ісламам, змяніў імя і прозвішча на «Даніял Аль-Такбір» і пачаў выказваць сімпатыі да «Ісламскай дзяржавы».

А неўзабаве яго і яшчэ некалькіх чалавек з «Тарнада» затрымалі украінскія сілавікі. Байцоў абвінавачвалі ў катаванні людзей, выкраданні, гвалце, стварэнні арганізаванай злачынай групы.

У красавіку 2017 года Ляшука прысудзілі да 10 гадоў пазбаўлення волі.

Дык як ён змог трапіць з украінскай калоніі на сірыйскі фронт?

Насамрэч — ніяк. У Сірыі ўсё ж загінуў іншы Аль-Такбір.

«Наша Ніва» адправіла запыт ва украінскае ўпраўленне выканання пакаранняў. Афіцыйны адказ быў такі: 24-гадовы Ляшук працягвае адбываць пакаранне. На сёння ён знаходзіцца ў Барыспальскай калоніі №119.

УШ

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031