Даслаць навіну
Знайсці
11.07.2019 / 19:49 1

У Італіі расследуюць магчымыя карупцыйныя сувязі «Лігі Поўначы» Матэа Сальвіні з Крамлём

Пракуратура Мілана праводзіць расследаванне магчымай карупцыйнай схемы з удзелам прадстаўнікоў італьянскай партыі «Ліга Поўначы» і Крамля.

Павялічыць выяву

У чацвер у прэсе зноў з'явілася інфармацыя, што кіраўніцтва «Лігі» магло разлічваць на шматмільённае фінансаванне з боку Расіі ў абмен на дапамогу ў лабіяванні нафтавага пагаднення.

Падазрэнні ў змове гучалі яшчэ ў лютым гэтага года, калі часопіс L'Espresso паведаміў, што прадстаўнікі «Лігі» ў кастрычніку мінулага года правялі перамовы з расейцамі ў маскоўскай гасцініцы «Метраполь».

Паводле інфармацыі агенцтва Reuters і італьянскіх СМІ, праваахоўныя органы Італіі зацікавіліся гэтай гісторыяй яшчэ ў лютым, адразу пасля публікацыі ў L'Espresso, тады ж і пачалося афіцыйнае расследаванне.

Паводле крыніц Reuters, пракуратуры было вядома пра існаванне аўдыёзапісу задоўга да таго, як Buzzfeed яго апублікаваў. У рамках расследавання, паводле тэлеканала Rai News, ужо дапыталі некалькі чалавек.

Закон Італіі забараняе фінансавую падтрымку палітычных партый з-за мяжы. Лідары апазіцыйнай Дэмакратычнай партыі запатрабавалі ад Матэа Сальвіні адказаць у парламенце на абвінавачванні ў карупцыі.

«Ліга Поўначы» — правая партыя, яна была заснавана 20 гадоў таму. Партыя выступае за незалежнасць паўночных правінцый Італіі і стварэнне дзяржавы Паданія са сталіцай у Мілане.

Паводле BBC

5
Szcz / адказаць
12.07.2019 / 10:58
Опять с Кремлем, может хоть раз за связи с США расследование будет? Или жим-жим на господ тявкать?
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30